Ayat Alkitab yang Popular daripada 2 Hakorinte 1

Kongsi

Difumanekero, di yende kwaNyambi ghoWiha Hekekudyetu Jesus Kristusi! Aye yoNyambi yu gha mu fera n̂eke, no yoNyambi gha hengaghura mu kehe maghukukutu ghomahe. Aye gha tu hengaghura mumaghukukutu ghetu. Yodigho, twa kona kuhengaghura hamweya awa ha di mumaghukukutu. Awo tu wa hengaghure nomahengawero, agha gha tu hengaghurithire Nyambi.

Yoyishi thika di kwavura kunyanda kwaKristusi mumwetu, kemo dyo gha vura karo mahengawero ghetu karo paKristusi.

Karo twa wanine mumwetu matungwero ghokufa. Ene mbadi twa kukuruperire twathinda. Makurupero ne paNyambi mukakutumuna hafu no kuwapa moyo.

Nyambi thinda yo gha tu nungitha pofotji nenu, pamuve ghoshemwa ghuno: eshi paKristusi. Nyambi thinda gha tu pongwera kukwendi. Gha tu tarekire tu kare yira ghugavo wendi. No gha tapire Mupepo ghoKupongoka mumitjima dhetu, yira thiturekera thi mbo tu tambura.

Ngeshi ha tu yereka wo, ghomahengawero ghenu no maghamweno ghenu. Ngeshi ha tu hengaghura twe, yamwe hana kuhengaghura no kumutanaritha eshi, mu kare noghudhughutjima muyinyanda yi twa nyandire twe.