Ayat Alkitab yang Popular daripada УблапӀэ 24

Kongsi

Ибрахьимэ иунэӀут къыӀуагъ: «Зиусхьанэу, ситхьэмэтэ Ибрахьимэ и Тхь! Непэ сиӀоф къигъэкӀи, ситхьэмэтэ Ибрахьимэ гукӀэгъу фэшӀ.

„Уикъошын къэукъощи, сэ псы сешъощт“ засӀоу, „ешъу, сэ уимахъшэхэри езгъэшъощтых“ къысэзыӀожьырэ пшъашъэр – джары О уиӀумэтэу Исхьакъ фэбгъэнэфагъэр; джаущтэу сэ къэсшӀэщт ситхьаматэ О гукӀэгъу къызэрэфэпшӀырэр».

ЕтӀанэ Исхьакъ янэу Сарэ ищэтыр Рыбкъэ чӀищагъ; Рыбкъэ ащ ишъуз хъугъэ. Исхьакъ Рыбкъэ шӀу ылъэгъугъ, янэ зэрэщымыӀэжьым нэшхъэягъэу къыфихьыгъагъэри шъхьащыкӀыгъ.

Ахэмэ анэшӀу Рыбкъэ къыщафи, къыраӀуагъ: «КъыптекӀыщтхэр, тшыпхъу, мины, минипшӀ пчъагъэ орэхъух! О къыптекӀыгъэмэ Пый къэлапчъэхэр аӀэ къихьащтых!»

Зиусхьанэу уашъоми чӀыгуми я ТхьэкӀэ тхьэлъанэ къысфэшӀ, сэ сызхэс къэнаӀан цӀыфхэм апхъумэ ащыщ скъо шъузэу къызэрэфэмыщэщтымкӀэ. Ау сэ сихэгъэгу, сиӀахьылхэм адэжь укӀонышъ, скъоу Исхьакъ шъуз къыфэпщэщт».