Ayat Alkitab yang Popular daripada Galatas 5

Kongsi

A so cherel o Duo si: o volipe, e veselia, e pas, o terpipe, o pachivalipe, postenipe, e dragostia, te na avel istardipe ta te llanel o manus te achavel vou pe. Ni iek zakono nasti marelpe gale ezgodenchar.

Goleke ppenau tumenge: zivin prema o Duo, ta na roden te chaliaren e bilache ezgode kai mangel tumari esnaga.

Te zivi akana prema o Duo, muka te sikavel amen o Duo.

Ta e llene kai si katar o Kristo Jesus, mukle po krusto sa po bilachipe.

Sa llana so cheren e llene kai llan pala e bilache ezgode kai mangel e esnaga: cheren o kurvaluko, cheren ezgode pogane ta bilache, blagosin avere delen ta drabaren. Si len joli, ni ttovenpe zanio nikaia, ta joliaon kana avere si le. Joliaon oma, cheren te avel joli, ta te fuladol suako llene pe pi rig. Si lenge joli kana avere si, matarne, drago lenge te jan but ta cheren aver ezgode sargo gala. Ppenau tumenge, isto sar ppendem tumenge omanglal, e llene kai cheren gala ezgode ni ka aven ande charoina e Devleki.

Pplalalen, tumen sen ikkarde te aven mukliarde. A cheres gua mukliardipe kai si tumen na cheren o bilachipe kai mangel tumari esnaga. So si te cheren si te radin iek avereke cheres o volipe.

Soke e mislura bilache inai prema o Duo, ta o Duo inai prema e bilache mislura. Iek avere ni kamen, ta goleke tumen nasti cheren sa so mangen.

Soke sa o zakono si ande iek kai ppenel gia: “Volisar avere sar voli tu tut.”

Na istardiva ta na chera te avel murzania ni te avel joli maskar amende kana avere si le.

O Kristo mukliarda amen te na ava esluge, goleke llan orta ande gua mukliardipe ta na cherdon pale esluge.