Ayat Alkitab yang Popular daripada 2 Korintios 4

Kongsi

Soke amen ni brigi amen katar e ezgode kai dikkon soke gola ezgode meren, amen brigi amen katar e ezgode kai ni dikkon soke gala ezgode si ostade.

Goleke ni chiniva i te avela kai gaia esnaga murilpe avrial, soke andral cherdol nevi suako llive. E patnia kai nakka ande gava zivoto si lokki ta oma ka nakkel, a fala kai cheres e patnia o Del ka pperel amen katar pi dragostia kai ka achel ostade; iek dragostia bari ta pperdi veselia.

Goleke i te nakkaia patnia ni jasara o pachape, i te si amen brige acha esmiro. Llan pala amende te maren amen, a amen ni sam korkorre, peraven amen, a ni zatrin amen.

A si amen gava barvalipe ande piria cherde katar o glibo, te sai sikava kai goia zor avel katar o Del a na amendar.

Goleke sar von ni pachan, o del gale suetoko cherda len korre, te na acharen ta te na dikken o villelo katar e lachi viasta katar Kristo o baro, soke letar sikadol o Del.

Soke isto o Del kai cherda te likel o villelo katar o truñariko, vou si kai cherda te bariol leko villelo ande amare lie, te sai da gua villelo averen ta te sikava e zor e Devleki kai klichil po mui e Jesukristoko.