Ayat Alkitab yang Popular daripada إنجيل مَتَّى 6

Kongsi

لكن أنتون، أطلبوا أول شي ملكوت الله وبره، كل هالأمور بتنعطى ليكم.

لا تهتموا بأمور بكرا، لأن بكرا له نصيبه من الإهتمام. كل يوم يكفيه باللي فيه من مصايب!

و لهدا الشي أقول ليكم: لا تشيلوا هم معيشتكم، وش تاكلوا وويش تشربوا، ولا لأجسامكم وش تلبسوا. مو الحياة أكثر من الأكل بس، و الجسم أكثر من اللبس؟

لكن أنت لما تصلّي، أدخل غرفتك، سكر عليك الباب، وصلي لأبوك إلا في السر. و أبوك إلا يشوف ألا صار في السر، هو إلا بيجازيك.

فصلوا زي هالصلاة: أبونا إلا في السماوات، يارب أسمك دايما يتقدس بين الناس. و يارب يجي ملكوتك، و يارب تصير مشيئتك عليّ الأرض زي ما هي في السما.

أعطينا الخبز ألا يكفينا اليوم،

وأغفر لينا خطايانا زي ما أحنا نغفر عن إلي يغلطوا علينا.

ولا تسمح لينا ندخل في تجّربة تغوينا، لكن نجينا من الشرير، لأن لك الملك و القوّة و المجد الى الأبد. آمين.

و بعدين قال: إدا غفرتوا للناس زلاتهم، أبوكم السماوي يغفر ليكم زلاتكم.

فكّروا وتأملوا في طيور السما: لا تزرع ولا تحصد ولا تجمع أكلها في مخازن، وأبوكم السماوي هو إلا يعيلها. مو أنتون قيمتكم أحسن منها بواجد؟

لا تكنزوا ليكم كنوز على الأرض، مكان إلا يفسدها السوس والصدا، ويدوروا عنها الحرامية عشان يبوقوها. لكن أكنزوا ليكم كنوز في السما، مكان ما يقدر السوس والصدا يوصل ليها، ولا يدروا عنها الحرامية عشان يبوقوها. المكان إلي فيه كنزك، هناك بعد يكون قلبك!

ما يقدر أحد يصير عبد لسيدين: لأنه يا إما يبغض واحد منهم و يحب الثاني، أو إنه يكرس حياته لواحد ويحقر الثاني. ما تقدروا تصيروا عبيد لله و الفلوس في نفس الوقت.

إدا كان الله يتكفّل أنه يكسي الحشايش البرية، مع أنها اليوم موجودة و بكرا بتنرمى في النار- في الفُرن، أنتون يا إلا إيمانكم ضعيف مو أولى من أن هو يوفر ليكم ملابس؟

لكن أنت، لما تتصدق على أحد، لا تخلي حتى الإيد اليسار تعرف وش تسوي الإيد اليمين. تصدق في السر، و أبوك السماوي إلا يشوف في السر، هو بيجازيك.

أنتبهوا من إنكم تتقصدوا تسووا الخير قدام الناس بس عشان يشوفوكم: و إلا ترى أبوكم إلا في السماوات ما بيكافئكم خير.

و لما تصوموا، لا تخلّوا وجوهكم معفوسة، المنافقين بس هم إلا يغيروا وجوههم عشان يراووا الناس إنهم صايمين. بأمانة أقول ليكم إنهم حصلوا على جزاهم. لكن أنت، لما تصوم، أغسل وجهك، و دهن راسك، عشان ما تبين للناس إنك صايم، لكن بس لأبوك إلا في السر. و أبوك إلا يشوف في السر، هو إلا بيجازيك.