Ayat Alkitab yang Popular daripada Ehokora 9

Kongsi

Unone anu wahe a wa kanine kwipaiwa koa makarara ka cerire ekwama yo moko o. Ka thsiire ku rombera mathzimu, ekupuro yo kumba pa gauda, pa silivera, pa kopa, pa mawe no petondo, anyambi o kukana ku twethsa ku yuva nji ku mona nji ku enda. Awo anu awo karo ka cerire kwipaa kwo nji orothzi wo nji ruthziho rwo nji withzi wo.

Omo mu mwithse mwa tundire dimba ku keya pa kaye, karo dya piwire okoro o kuninga eci o nge. Dya amberiwire ci dyepithsa muhonyi o pa kaye, nji emena, nji ngara thsitondo, shime anu pohuma awa pirire thsitamba thsa Nyambi pa rupara.

Kangeru ko muthsitanu ka shikire torombita thzako. Ngou na monine ditungwethzi edi dya wererire pa kaye ku tunda ku wiru. Edyo ditungwethzi dya piwire dipao dyo ku dikwina dyo kupira ondanda.

Edyo dimba ka dya tawethziwire kwipaa awo anu, unone dya tawethzewire pohuma ku wa nyandithsa mu maonda o mutanu. Kukora kwadyo kwaa cipitura eci nge o ku na humu munu.

Dyekarire no fumu oyu wa di endithsire, oyu fumu po nedi kaya kangeru ka tundire omo mu dikwina dyo kupira ondanda. Dithzina dyako mu Thsiheveru po “Abadoni,” mu Thsigerike po “Apolioni.” Edi dithzina dyaa amba ci “Mukwakwipithsa.”