Ayat Alkitab yang Popular daripada Ehokora 21

Kongsi

Kenge a ku porora mihothzi thzothzihe ku meho o. Ka kwa kwikara kufa nji thsidiro nji kudira nji kukora, inene enu yo kare i na pu.”

Oyu wekarire pa ngunja wa ambire ci: “Mu mone, naa kwama enu yoihe ope!” Ngou a ambire ci: “O ñore eyi, inene aa maywi po aa kuruperiwa karo a shemwa.”

Na yuvire diywi dyodikuru ku tunderera ku ngunja ci: “O mone, ndau omu a tunga Nyambi mu kaci kanuenthzi thzi di honi, karo kenge a ku yoyano. Kenge a kwikarano, karo kenge a kwikara anuenthzi, karo aye Nyambi kenge a kwikara Nyambi wo.

Wa ni amberire ci: “Ku na pu. Yame no Alufa no Omega, Matatekero no Mamaneneno. Oyu na fu dinotwa kenge na ku mu pa meyu aa a tunda mu dinowa dyo mwoyo o ku piwa kengekenge.

Wahe awa a ku othza kenge a ku tambura yoihe eyi, kenge na kwikara Nyambi wo, nawo kenge a kwikara anange.

Uno honi owawowa, akwakukana ku tawa, owamango, epaanu, o ruthziho, arothzi, akwakurombera ekupuro nakwakwangera wahe, awo kenge mba konthzeriwa mu diviya edi di yuuma mudiro no sulufura. Oku kodiyo kufa ko muthsidi.”

Ngou na monine diwiru dyodipe no kaye kokape, inene diwiru dyo kutanga no kaye ko kutanga ya pwire, karo ka kwekarire karo diwate.

Na monine Thsikuña Thsoshokenu, aye Yerusalema omupe, o ku shurumuka ku tunda mu wiru kwa Nyambi, o ku na roithsiwa nawa no ku yengiwera munuwenthzi eci mwenga.

Ethso thsikuña ka kwa fotaharire ci shime kwikare diyuwa nji ngonda ku thsi munekera, inene kutethzima kwa Nyambi kwa thsi pire mwethzi, karo Dinguana yodiyo kambarambara kathso. Matunga kenge a ku enda mu mwethzi wathso, mafumu o kaye kenge a ku reta rufumo rwo omo mu thsikuña.