Ayat Alkitab yang Popular daripada Ehokora 14

Kongsi

Ngou na yuvire diywi ku wiru o ku di amba ci: “O ñore eyi: Akwathsiyauthzi afu awa a fera mwa Fumu ku tunda pano ku twara ku rupara.” “Yoshemwa dyo i di,” waa amba Mupepo. “Kenge mba turumwithsa kwikwama yo, ekwama yo yoiwa kenge ya ku wa shupwera!”

Eyi yaa monithsa ci anua Nyambi aa roera ku cithzua, awa na hengeka eraerera ya Nyambi no ku rurama kwa Yesu.

Ka kuererire ko diywi dyodikuru ci: “Mu yape Nyambi karo mu shangare okuru wenthzi! Inene thsikati thsenthzi thsi na kumu thso ku ratura anu. Mu mu rombere aye oyu wa kwamine diwiru, kaye, diwate no manowa o meyu.”

Kangeru ko muthsihatu ka shupwerire oto twidi to kutanga o ku ka kuerera ci: “Munu yomuhe oyu na rombera thsikondwama no thsikupuro thsathso no ku tambura thsitamba thsathso pa rupara nji pa dyoko, naye kenge a ku nwa ku waine oanthzi wa Nyambi, oyu naa pingurweriwa mu nganja thzoanthzi wa Nyambi o ku shimbi a rurera. Kenge a ku nyandithsiwa ku mudiro no sulufura pa meho o tungeru totukenu no Dinguana. Mwithse o kunyandithsiwa kwo kenge wa ku thsima diyere na diyere. Ka ku turumwithsa mutenya nji othsiku pakuninga ci na rombera thsikondwama no thsikupuro thsathso, karo na tambura thsitamba thso dithzina dyathso.”

Na kengire, ngou na monine Dinguana o ku nemana pa Mukinya wa Sione nanu o 144,000, awa ñoriwire dithzina dyenthzi nedi dya Tata wenthzi pa rupara.

Ngou na monine kangeru kamweya o ku ka unduka mu wiruwiru. Ka shimbire Muthzimbu Ouwa o diyere ku na tongwera anu o mu kaye, kwanu o mu matunga oahe, mu mishovo, mu manjimi no mu mambunga oahe.

Kangeru ko muthsidi ka shupwerire ko kutanga no ku amba ci: “Na u! Na u Babilona Shokuru, oyu naa nwithsa matunga oahe kuanthzi o waine o ruthziho rwenthzi!”