Ayat Alkitab yang Popular daripada 2 Peturu 2

Kongsi

Shaanga apa idi kengeyo, Fumu aye na dimuka dyo ku amwena anuenthzi kwiereka, no ku turekera anu o dipethso humbithso shime ku ka kuma mu diyuwa dyo raturo.

Nga yekarire nawa ci nga a diyerire ku dimuka dikuñwa dyowawa, kupita ku tanga ku di dimuka no ku pa muongo thsiraerera thsothsikenu ethsi na piwa. Eyi a amba aa maambo o shemwa na i tendahara ku kwo, o ku amba ci: “Mbwa na hukera oshanje wenthzi,” karo dimweya dyaa amba ci: “Nguru oyu na yoiwa marowa na hukera ku cirowekamo.”

Aa kumbwethza anu ci kenge a kurukuruka, unone awa amba kengeyo po apika yokwipa. Inene munu yomuhe aa pikuriwa ku thsinu thsothsihe ethsi thsi na mu othzo.

Inene ngeci anu awa na para kumango o kaye ko ku dimuka Fumu no Muyoyithsi wetu Yesu Krisitu, awopo a hukera mumango no ku othziwa, awo anu o kengeyo mukarero wo o ku mamaneneno kenge wa kwipa nene kupita pa kutanga.

Unone ku kare nako kwa keyangire akwakukethza o mbango, eci dyodi kwa ku keya arongithsi o mbango mu kaci kenu. Kenge a ku retamo muvudi erongithsa yo kwipa yo kwipithsa, kuninga ci mane kenge a ku hamura Ñathsire wo oyu na a wa uru, ku ciretera athsinda kunongithsiwa ko wanguwangu.