Ayat Alkitab yang Popular daripada 1 Peturu 3

Kongsi

Uno honi mwikare no direma kwa Krisitu Fumu mu micima thzenu. Mu ciroithsere thsikati thsothsihe ku tawa awa a mipura mukaci kokurupero ou mu di nao. Uno honi mu i kwame ko kuwamucima no direma. Mwikare no mumoneno ouwa, ci awa a mipithsa mathzina mukaci ko mikarero thzenu thzothziwa mwa Krisitu nga a ene.

Inene meho a Fumu aa tanekera kowa owawawa, karo matwi enthzi aa teerera erombero yo, unone Fumu aa pa muongo awa a tenda yoimango.”

Owa wenu wa tunderera kwiciyenga yo peuru, yo kupitura eci mirukero thzo kucithsiathsia thzo huki, nji epako yo gauda, nji evata yoiwa. Unone owa wenu wikare o mu kaci, ao owa u shipu, o kuwamucima, o mupepo o ku tutwara, ao oukuru mu thsivaka pa meho a Nyambi.

Inene ku na ñoriwa ci, “Yomuhe o ku fota ku cikora mwoyo, no ku fota ku mona mayuwa oawa, a nyunge rudimi rwenthzi kwinu yoimango, karo a nyunge miromo thzenthzi ku ku amba yo kwangera. A tunde kumango a kwame yoiwa. A fotafote thsiyaro ko mucima wenthzi ouhe.

Ko ku manenena, mwaheno mwikare no mucima ofoci no kwikara no ñekeñeke. Mu cishime oandu namweya eci ana o dira dyofoci, karo mwikare no ñekeñeke no ku cihuthsa kushi. Mwa huthsera omango nomango nji matuka no matuka. Uno honi mu huthsere omango ko thsiyauthzi, inene eyi yodiyo na a mithsera Nyambi, ci mu wane thsiyauthzi.

Edye oyu nga mi yuvithsa kukora ngeci mwaa shima nene ku tenda yoiwa?

A tunde kumango a kwame yoiwa. A fotafote thsiyaro ko mucima wenthzi ouhe.

Inene ku di nawa ku nyandera etenda yoiwa, ngeci yodiyo eshima ya Nyambi, kupita ku nyandera etenda yoimango.