Ayat Alkitab yang Popular daripada Svun Marcos 9

Kongsi

―Itac'av ti Jesuse: —¿C'u yu'un ti chajac'bon to mi xu' chach'une? Ti much'u ta xch'une xu' ta xc'ot ta pasel scotol ti c'usi sc'ane ―x'utat.

Ti stot ti creme tsots i'avan: ―Ta jch'un. ¡Coltaon ta xch'unel más! ―Xi.

Ti Jesuse i'och ta jp'ejna, ti c'alal stuquic xa'oxe, li yajchanc'optaque isjac'beic ti Jesuse: —¿C'u yu'un ti muc' xloc' cu'unticotic li pucuje? ―Xutic. ―Itac'av ti Jesuse: —Li jtos pucujetic ti ijloq'uese, mu xloc' ta yech no'ox, ja'to ta xloc' mi chac'oponic Rioxe, ―x'utatic yu'un ti Jesuse.

Li ats'ame mu xu' ti ch'abale. Ja'to chmuib o li ve'lile ti c'alal oye. Ti sna'uc soc li ats'ame, mu xu' xcha'lecub. Ja' no'ox yech ja' tsc'an ti lec avo'onique yo' lec xavil o abaique ―x'utatic yu'un ti Jesuse.

―Ti much'u chich ta muc junuc c'ox crem ta jbi vo'on chac c'u cha'al li c'ox crem li'i, vo'on chiyich' ta muc'; pero ma'uc no'ox jtuc chiyic' ta muc' ja' no'ox yech yich'oj ta muc' chc'ot ti much'u li stac tale ―x'utatic yu'un ti Jesuse.

Much'uuc no'ox ti chayac'beic jbochuc vo' ta jbie, ti c'alal chilic ti chatunic cu'un vo'on ti Cristoone, ta melel chacalbeic ti chich' smotonique.

»Much'uuc no'ox ti chac'be sa' smul junuc li much'u biq'uit yac'oj sba chac c'ucha'al c'oxetic ti xch'unojicone, ja' más lec ac'u yich' chucbel jp'ejuc tanal muc'ta cho' ta snuc', ac'u yich' jipel yalel ta nab.

Ja' no'ox yech mi ja' chata o amul lasate, pitso loq'uel, ja' más lec mi jp'ej p'ej asat cha'och ech'el yo bu tspas mantal ti Rioxe; ja chopol mi xchi'uc xchap'ejel asat chavich' jipel ochel ta c'oq'ue