Ayat Alkitab yang Popular daripada Матвей 24

Kongsi

Зыянось пек ламолгады, ды секскак ламотнень седейсэ вечкемась лепами-мади. Кие жо весе тень цидярдсы педе пес, се ванстови-идеви.

Зярдо Кенярксов кулясь Пазонть Инязорксчидензэ ёвтнезь ули масторлангонть келес весе раськетнень марямост кисэ, ансяк сестэ сы пингень песь».

Тынь марятадо маласо войнань гайть ды васоло войнадо кулят. Ванодо, илядо тандале: весе тенень эряви улемс, ансяк те зярс аволь песь.

Раське кепедеви раськень каршо, мастор – масторонь каршо, улить вачо иеть, куломань ормат ды таркань-таркань модань сорномат. Весе неть майсематне ансяк теке чачтомань пиштематнень ушодксост.

Менелесь ды масторось ёмить, ансяк Монь валон а ёмить».

Ламот сыть кекшезь Монь лементь ало, мерить: “Мон – Пазонь кучовт Идицясь”, ды ламотнень ильведстьсызь-манясызь.

Сестэ тынк кармить макснеменк муцямос ды маштнемас. Весе раськень ломантненень ультядо авечкевиксэкс Монь лементь кисэ. Сестэ ламотне потыть кемемастост, вейкест-вейкест эйсэ кармить микшнеме, вейкест-вейкест а вечкеме. Сыть ламо кенгелиця пазмарицят ды ламотнень ильведстьсызь.

Иисус мерсь каршост: «Ванодо, кияк аволидизь маня.

Секскак, тыньгак уледе анокт: Ломантнень Цёрась сы се шкастонть, зярдо тынь Сонзэ а учотадояк».

Секскак уледе анокт, эдь а содасынк, кона шкастонть сы тынк Азорось.

«Се чиденть ды частонть кияк а соды: менелень ангелтнэяк, – соды ансяк Монь Тетям ськамонзо.

Кармить само кенгели христост ды кенгели пазмарицят, конат теить покш дивань тешкст ды тамашат. Сынь снартыть натой Пазонь кочкавтнэньгак ильведстемс-манямс, бути те тееви тенст.

Кода ульнесь Ноень читнестэ, истя ули сестэяк, зярдо сы Ломантнень Цёрась. Инечадыденть икеле ломантне ярснесть, симнесть, урьвакстнесть ды лиснесть мирденень се чинть самс, зярдо Ной совась иневенчентень. Сынь мезеяк эзть чарькоде-нее семс, зярс эзь са инечадысь ды эзинзе ёмавто весень. Истя ули сестэяк, зярдо сы Ломантнень Цёрась.