Ayat Alkitab yang Popular daripada Romo 12

Kongsi

Go suna aunu na-raidapape. Godeme nena rupara wamo pinyalape. Gupuma nena konenu pange ropo puma epepe kone siape. Go au pilindare gore Gode nipuna rana pea aunu kone wili. Go eiri nipu repara epe aunu pape ei pange nipu rana ma-papae ei.

Go einare nina amenuo. Godeme naa para pakama yarame komea einare neme nimi repara go angele lalo ara kongeyalo. Nimina do ria Gode repara alinau pulu ara adapape. Go nimina do riare kaake pupa puma ale menda na-rale ale Gode rana ma-pala pe rupa. Go au pilindare gore go eiri ora Gode repara rumu yaruaoma panda pia au.

Raname waru komoalepape. Akepeare nimi ale menda ora pilia kone suma maisambao-aemenda. Kendapi einu epeleandare pu yoko ria na-pamualepape. Naare raayosi yainya waru pualepape.

Koae au pi eimi nee na-lu rambuainyalape. Go au na-piri koae au pia ei epe eimi lu rambuainyalape.

Menda menda repara raname komala ara pu alala pipape. Keriso ame leale go au pala pipape. Gupuma menda mendana binu raname komoma andasiaoma andalo ara minyasiala pipape.

Menda repara yayapi rupa pu na-alape. Epepe aunu pape eiri waru ripinape. Koae aunu pape auri kou walape.

Yangonu rapu kuma pi rupa ao-paliainya neeme pape aunu waru pape.

Nina amenuo, mendame nee rendaa giliandare wala nipu repara wala yanda na-liiape. Godeme manda palia. Akepeare ande Godena angele wia bukamere gupi lea. Mendame nee repara yanda diandare neme manda yangi mealua lea. Go eiri Godeme lea.

Gigimi na-kome pupudengi waru noape. Nena pu konenu raayo Godena aunu paluame raname waru komoape.

Godeme ni repara pakama gea alenare neme nimi raayo para go lalo. Niri andaa ali go ayo rapi na-dapape. Go au pi na-lere niri mendana rolo para ayo kone sualepape. Nimina gole nimina konenu pange nimina aunu rali pipape. Go au pe auri Godeme nimi kone rulaliminyayanda puri giama giama pe rupa ana musi pipape.

Mendame nee repara koae aunu piliandare wala nipu repara koae au menda na-pu moneape. Wenaalinumi epe aunu kone suaeme aunu pape.

Menda menda repara mendaa rupa kone waru suape. Ni ora pi na-lape. Koae pupudenginu neeme nape nono na-pi einu pa nape. Niri kone waru su rekele pe kone na-siape.

Go au na-piri ande Godena angele wia bukame gupi lea au pape: Nena yanda runguli alinda reame komeleandare gore enda alape lea. Nipu ipa nalame komeleandare ipa alape lea. Neeme go au pilindare gore nipu yalame ma-komali lea.

Nee rendaa gilimi wenaali repara Godeme nimu repara epe aunu pinya yainya pape. Eae ora epe aunu pinya yainya pape. Go pia repaa repara Gode wi lalo ara rendaa ala pi na-lape. Raname komalo pidimi wenaali rapu raname komape. Ree lalo pidimi wenaali rapu piri ree lape.

Nena ame ale menda wadiandare gore nena alenu rali pipape. Lee wili para pange na-ande alinu ipulupa loma nena anda para pa epena lape.

Naana donare Godeme olemole raayo waruma ma-aya. Go alenumi rando rando pupudenginu neme. Go rupa mandare naa pange rando rando pi wenaali aemapare wala komea do manda aema. Yesu Keriso ruparare rando rando pi wenaali aemepare wala komea dona epa aperaema.