Ayat Alkitab yang Popular daripada Sun 6

Kongsi

Laha, a Iesu ivr anr kavr ti a, “Kana nv'i p'ret na silv'ien. M'ertu ima asnk ikarn nam'er naran kinkin. M'ertu iv'ah kana ikarn navan naran kinkin.

M'im'iln P'as uaki itu silv'ien, p'ak m'ertu ikamhmah a m'ertu arna si kinkin. V'nen udlani nvr a kam'i iv'i v'nena M'im'iln P'as kav'i silv'ien.

Mavm'akar sena tim'ah la ipama kastu uaki, v'eti pavm'akar sena tim'ah la ipater p'arei kav'i silv'ien ikahiris naran. Tim'ah lera Kana nv'i Net M'ertu p'etu kam'i, sena ti Atua, iv'i a Tetiak, ittu sera nut hua a Kana.”

Si laha iv'i sei Hin la itep'a Kana ha irni, a ti hir udlani la apavla Kana, nv'i a Natn Atua, kavv'ah Kana ha, apavlev' silv'ien ikahiris naran. Laha, Kana p'ani ti ipathal ml arna napn ipatauatah dau.”

A Iesu ivrpranr kavr ti a, “Sei Atua irn ti pavani, iv'i ti pavv'ah Kana, sena ti Hin itep'a Kana.”

M'ertu udlani la a Tetiak itu Kana ha, apavrama asnk. M'ertu udlani la apavrama asnk ha, nkasranr ml av'aran.

Laha, a P'ita ivrprani, kavr ti a, “?Mlin, p'vrav'a asn ak? Nakm uaki kua v'nen na silv'ien ikahiris naran.

Kana nv'i p'ret la isilv' iel ha, nendan eia kadama arna nadep'. Ipavr ti m'ertu ipamk ipahan p'ret lera, hin ipasilv' ipel. P'ret p'etau ani iv'i p'akk, p'etau anr m'ertu arna nadep' a ti apavsilv' ani.”

M'ertu kinkin ikahma asnk, ipavr ti a Tetiak, la itep'a Kana ha, ikarv'i ti ipama asnk. Laha, Kana p'ani ti ipathal ml arna napn itauatah dau.

Sena ti p'retan a Mlin Eia iv'i Hin la iendan eia kadama arna nadep' ha, katu silv'ien anr nelnal arna nadep'.”

Kana nv'i p'ret na silv'ien.

Sarei, a Iesu ilev' p'ret kavr ip'as an a Mlin Eia sanan, katau anr arm'ertuan, sarei hir avtutau anr nelnal la avlak hara. Kani inap'i lera ml m'a tilau lahara. Laha, avhani inep'a nut avrni inap'ei. Naran nelnal avrapd, ivr anr m'ertuan kavr ti a, “Pavtupien tk tim'ah iter, a ti m'avutakm a pnen.”

Arm'ertuan avparel al nauei, dav'a kavier kilumita ilm' v'aha ilm'sei, kavlei a Iesu iv'el arna nauei kamima asn nauak, kavdedrn. V'eti ivr anr kavr ti a, “Kana uaki, mavdedrn.”