Ayat Alkitab yang Popular daripada 1 Pita 3

Kongsi

Anĩ ere, ãgenei wauĩ bun Kristus ĩ Odug unogouf. Idi wauĩ iseya ã namein ibodok anĩ nẽ gariya karĩ douf nigin to diyeik anidi ganan solog urokenẽdigouf nigin, faimud dodok gouf. Anĩ ere, molol ado aniniya bunem enei agog fen, kisi karẽtut walogouf, ago ge di, idi Kristus bun ãgenei tobonuneĩ biya nigin od sane wogõ def anidi, dogo neid dumen od wogõya nigin mama fediyouf.

Ere nigin, Odug nẽ malam tamo madur bagai lo fedidig, agef fen, yogon weder dogo neid kosẽya anĩ karĩ yedig. Anĩ ere, Odug nẽ nawa, idi sane age difef anidi bun dudum fiyẽdidig.”

Ãgenei meli meli, mayarẽ naki anĩ, fatiya korif ifõya, gol sai ifonũya be, kolos biya ifonũya age fediya bunem to isiyouf. Age fiya ban, ãgenei meli meli, ã namein uur molol ado imatẽya anĩ nẽ meli meli to inanakalauf, are Negur mala bun odug bagai anĩ bunem isiyouf.

Are Negur nẽ Itotoya eig ye irok kilei, “Aib ĩ mata nigin wau laaf fen, naa biya ilouf, ĩ yogo bale sane wogõya bun tamal so fiye ken, yogon sigor idegẽya wogõya bun tamal so fiyẽf bagai. Ĩ sane itor ken, biya age fouf bagai. Ĩ maror imir ken, anĩ dõ fouf bagai.

Od idĩya nigin, ã ganan abob geid wauĩ tekelei bun ubodõgouf. Abob nigin wauĩ ũgouf. Tureĩ tar gen abob nigin wauĩ laa fouf. Wauĩ yũya ado wauĩ yukesileya bun ubodõgouf. Sane anĩ sane bunem be, kono fiya anĩ kono fiya bunem to solo gouf, anĩ ere, el fiya bunem solo gouf, ere nigin, ã ago ge di, el fiya anĩ walogouf nigin, ã enei bun iweignein.

à biya age fiya nigin kabĩ totol walogouf are, aim anĩ ã sane yeĩf?

Ĩ sane itor ken, biya age fouf bagai. Ĩ maror imir ken, anĩ dõ fouf bagai.

Biya age fiya nigin darau yaleya, are Negur nẽ oroyauf, enei are, sane age fiya nigin darau yaleya anĩ wal fiya, are biya bagai youf.