Ayat Alkitab yang Popular daripada MATIU 3

Nditujumo ri powiami kakominya majeamo ungka ri waʼa ncalaami.

Nepa ndadonge oni nganga mPue Ala mantoʼo, “Seʼimo Ana-Ku anu Kupotowe, Siʼa mampakawongko raya-Ku.”

Karoonya ndariu mesore Sira; ndakitasaka teloka yangi, pai ndakita i Yesu Inosa mPue Ala menaʼu ewa petudu ntonci putiʼa ri wawo ntanoana i Yesu.

Yaku seʼi, ue anu kuriuka komi da mewali petondoni ngkajeami ungka ri waʼa ncalaami; paikanya Sira anu nepa da rata mantondaraka yaku, da mangariuka komi Inosa mPue Ala pai apu. Sira meruu ngkabangke ngkuasa-A pai yaku. Sako da mangkeni talupa-A yaku seʼi bareʼe sintinaja.

Tokamo uase da ndatowoka kaju pai da ndarantasi ngkekale-kalenya. Pura-pura kaju anu bareʼe madago powuanya da ndatowo pai da ndatendeka ri apu.

I Yohane seʼimo anu natinako ndaya i Nabi Yesaya ri waʼa mpaunya seʼi, “Reʼe tau meboo-boo ri pada bone, ‘Ndipatokakamo i Pue jaya-A; ndipalenekamo Sira jaya-A.’ ”