Ayat Alkitab yang Popular daripada К Римлянам 6

Kongsi

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

Сыӷлыҳқылъҳым иглықатақна̄нӷитӣси қаюҳлъяк иглықатақңўӣси Кияӷныӷым пиниқылъҳан; иглықатақңунӷитӣси Лӣлиҳтӯсят.

Крестиӷылъымтыхун туқука̄гукутлъю, қуңука̄гукутлъю Христосыми. Аҳтуӷьяҳқа̄нӷилъыҳлъягмикун Атам уңуваҳтыкақа̄ Христос туқулъыӷмың. Ынка̄м кияҳсяҳқа̄ҳлъықукут кияҳта̄лъылиӷраӷаӷлюта.

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

Лӣсимакаҳпут хўаңкутылъюгуялӷӣт қақӯра̄тка̄гут Христосыкун иглықатақнанӣсқылъюта сыӷлыҳқылъҳым аҳтуӷьяҳқа̄нӷилъҳанун, қыпҳаҳтыля̄ӷунаниӷналюталъю сыӷлыҳқылъыӷмун.

Таўатыҳпигақ сюмыҳтаӷаҳтык туқука̄люси сыӷлыҳқылъҳым аҳтуӷьяҳқа̄нӷилъҳанун, сюмыҳтаӷаҳтыклъю уңуваңулюси Кияӷныӷмун Христос Иисусыкун.

Сямыңʼңам пилъықыста? Сыӷлыҳқумаңина̄лъта̄а Кияӷныӷым наңлъыхталъҳа нулясқылъюку? Нака̄! Қаюҳлъяк туқукастун аюқукут, ынка̄м туқука̄кумта натын сыӷлыҳқумаңинаӷнақыста?

Лӣсимакыстыки тӯныхкуфси китумун қа̄ткысяҳқа̄люку, та̄ўа лъңан қыпҳаҳтыля̄қа̄ҳлъықӣси. Қа̄ткыхкуфсигу сыӷлыҳқылъық, туқуслъықӣси. Иўырңа қа̄ткыхкуфсигу Кияӷнық, налъҳусяҳлъықӣси ылъқуӷутңалъыӷминун.

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун. Итымутка̄гуси сыӷлыҳқылъыӷмың ынка̄м қыпҳаҳтыля̄ӷуҳтыка̄гуси ылъқуӷутңалъыӷмун.