Ayat Alkitab yang Popular daripada Mateo 27

Kongsi

K'ewará hora ũpea pak'ari Jesupa jĩk'ua biasima: —¿Eli, Eli, lama sabactani? Mãɨ arameo pedeade jara k'ɨ̃ria bɨma: «Mɨ Ak'õre, mɨ Ak'õre ¿k'ãre k'orea mɨ tuaba ameesima?»

Ara mãɨne chi Tachi Ak'õre te minachia bɨde eda p'aru eatɨa jira bɨ esa ɨt'ɨpa edá k'õawãsima. Ichiaba iurumia wãsima. Mãɨpa mawara nepalá t'oawãk'oasima. P'ẽya te uriade piudada pada t'ɨbaridada ewawãk'oasima. Mãɨne Tachi Ak'õrene ĩjãa berã piudada chok'ará chok'ae p'irabarik'oasidama.

Mãɨya bɨde Jesú mãicha jĩk'ua biak'ari k'ĩrawẽasima.

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Ɨmat'iip'aɨdepa waa ɨmata baarea ĩjũa ãarea p'ãrio nɨbeesima.

Pilatopa idisima: —Mãɨyara mɨa ¿k'ãret'a ooima Jesú ome, chi Tachi Ak'õrepa Tachi K'aripaparí teai jaradamanaɨt'a? Jõmãɨrãpa jarasidama: —¡K'urusude barijira bɨk'ari peapise! Pilatopa idisima: —¿K'ãre k'orea mãɨya ooima? Ichia ¿k'ãre nemietá oosima? Mãɨya pedea bɨde ãchia ara mãɨ wariara ɨbɨa bia para beesima: —¡K'urusude barijira bɨk'ari peapise!