Ayat Alkitab yang Popular daripada Mateo 10

Kongsi

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Abaɨ pida nãɨ ĩjũane itu ichi k'orea k'ɨ̃risia bɨpɨra, mãɨ atuaipɨ. Maamina abaɨ pida mɨ k'orea piuipɨra, mãɨ Tachi Ak'õre ome ewaricha chok'ae baipɨ.

Chi nãɨ k'ak'ua peapataɨrã wap'earãt'ɨ. Ãchia nãɨ k'ak'ua p'ue peadaima maamina tachi jaore p'ue peadaiwẽma. Mãɨpari nãɨ k'ak'ua mãɨnepa tachi jaore mietade paai bɨt'a wap'eat'ɨ.

Minachia mĩa bai k'orea bɨwẽpɨra, mɨ ome p'ue p'ɨrrɨaiwẽma.

»Abaɨpa ẽpẽrarã k'ĩrari mɨne ĩjãa bɨade aipɨra, mɨ Ak'õre pajãne bɨ k'ĩrari mɨa ichi mõréane aipɨ. Ara mãɨ jĩra abaɨ pida ẽpẽrarã k'ĩrari mɨ atua bɨade aipɨra, mɨa pida mɨ Ak'õre pajãne bɨ k'ĩrari ichi atua bɨade aipɨ.

Mãɨpuru k'ak'ua piawẽa be jɨpa beepit'ɨ, piudada chok'ae p'irabaripit'ɨ, aidapa k'ɨdade be jɨpa beepit'ɨ, jaore mietá ãyá jeret'aat'ɨ. Mɨa mãrá jua chaarea pari tearuma mãɨya oodamẽrá. Mãɨpuru ẽpẽrarã pari k'aripat'ɨ.

Tachi Ak'õrepa mãra ĩpana chok'ará p'anɨ k'aepẽra pia ak'ɨ bɨẽra ne wap'eadawẽa p'anat'ɨ.

»Mɨ nãɨ ĩjũanea chesiade a k'ɨ̃risiarãt'ɨ ẽpẽerã ne k'ɨ̃risiadawẽa p'anapii k'orea. Mɨ mãɨ k'orea chewẽa bɨma, mãɨpari che bɨma ẽpẽrarã tausia k'ĩruu p'ananamẽrá.