Ayat Alkitab yang Popular daripada Hebrews 9

Kongsi

Tawateghpigaq ataasighhaghmeng Christ‑a aghqutkegkaaguq ellmineng iqinnaluki seghleghqellghit yulghutet. Iwernga alla tagikumi, aghqutkesaghtuunghituq ellmineng seghleghqelleghmun. Yeghlegi yuguliyaghtughlleqii qelanqilghiit ellmineng.

Tamaakut pelungighiyaqlegukata yuget yugusiitneng, taawa Christ‑am aawan wata pilleqii. Pelungighlleqii umyugasi satngunghilngughneng ugpeqilleghneng elpesinun qepghaatesqelluku unguvalghii Kiyaghneq. Kenlengilnguugnekun Taghneghagnekun, Christ‑a seghleghqellghilnguq, tuunegkaaguq ellmineng katam Kiyaghneghmun aghqutnguluni.

Tamaghaghhmi tuquyaghqaalghii ataasighhaghmeng, enkaam taam kingunganeng Kiyaghneghem nanqiglleqii.

Ipapestaaq Liilightuusat pillghitni, qamagtevzigluni sangwaa tamaghhaghmi pelungiqaaguq aawkun. Kiyaghneghem seghevunnaanghitii yuget seghleghqellghit wetkuqun aawk maaqegkan.

Enkaam Christ‑am tagitkaqaa Kiyaghneghem akequsaghraghaa yugnun tuqluqaanun. Christ‑a tawaten pikaaguq ellngitnun allgeghtesqelluku kenlengilnguq pagitaq Kiyaghneghem akequsaqegkaa ellngitnun. Allgeghlleqiit pagitat qayughllak Christ‑am tuqumatkegkaqegkangi. Enkaam yuget kiyaghtekat akequsaqsuwhaaghmi, itemumaat seghleghqelleghmeggneng.