Ayat Alkitab yang Popular daripada မၢတ်ႈထႄႇ 19

ယေႇသူႉ ​ၵေႃႈ​တူၺ်း​ၶဝ်​ၼၼ်ႉ​သေ​လႄႈ လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင် ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လွင်ႈ​တၢင်း တင်း​သဵင်ႈ​တင်း​လူင်​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ ၶဝ်​ၼၼ်ႉ ပဵၼ်​သွင်​ၵေႃႉ​ဢမ်ႇ​ၸႂ်ႈ၊ ပဵၼ်​ၵေႃႉ​လဵဝ်​ၵူၺ်း​ဢေႃႈ။ ၵူၼ်း​ယႃႇ​ပေ​ႁႂ်ႈ​ဢဝ်​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢဝ်​ၽၢၵ်ႈ​ဢဝ်​ႁွမ်း​ၵၼ်​ၼၼ်ႉ ၽၢတ်ႇ​ၵၼ်​ယၢၼ်​ၵၼ်၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သူ​ဢမ်ႇ​ယၢမ်ႈ​လႆႈ​ၽတ်း​ၵျၢမ်း​လိၵ်ႈ​ဢၼ်​ဝႃႈ၊ မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ၸဝ်ႈ​ဢၼ်​ၽၢၼ်ႇ​သၢင်း ႁဵတ်း​ပဵၼ်​ၼၼ်ႉ ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၸၢႆး တင်း​ၵူၼ်း​ယိင်း သွင်​ၵေႃႉ​ၵူၺ်း​ဢေႃႈ။- ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ ၵူၼ်း​ၸၢႆး​တၵ်း​လႆႈ​ၽၢတ်ႇ​ၵၼ်​တင်း ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​သေ​ယဝ်ႉ၊ ၶဝ်​သွင်​ၵေႃႉ​ၼၼ်ႉ တၵ်း​လႆႈ​ပဵၼ်​ၼိူဝ်ႉ​ပဵၼ်​လိူတ်ႈ ဢၼ်​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ႁိုဝ်။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပၼ်​ဢၶႂၢင်ႉ​တီႈ​လုၵ်ႈ​ဢွၼ်ႇ​ၸိူဝ်း​ၼၼ်ႉ​တႃႉ။ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ် လွင်ႈ​ဢၼ်​ၶဝ်​တၵ်း​မႃး​တီႈ​ၵဝ်​ၼၼ်ႉ။ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၸိူဝ်ႉ​ၼင်ႇ​ၼႆ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ဢၼ် တူၵ်း​ဢွၼ်​တၢင်း​ၼမ်​ၼႃႇ တၵ်း​တူၵ်း​လိုၼ်း​ဢေႃႈ။ ၶဝ်​ၸိူဝ်း​ဢၼ်​တူၵ်း​လိုၼ်း​ၼမ်​ၼႃႇ တၵ်း​တူၵ်း​ဢွၼ်​တၢင်း​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၸုၼ်ႉ​ပႅတ်ႈ​ႁိူၼ်း၊ ပီႈ​ၼွင်ႉ​ၸဵမ်​ယိင်း​ၸဵမ်​ၸၢႆး၊ ပေႃႈ​မႄႈ၊ လုၵ်ႈ​မေး၊ ႁႆႊ​ၼႃး​တင်း​လၢႆ ၵွပ်ႈ​ပိူဝ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​လႆႈ​ဢၵျူဝ်း​ပဵၼ်​ပုၼ်ႈ​ၼမ်​ၼႃႇ​လႄႈ ၶၢမ်ႇ​ဢမူၺ်ႇ​ထႃႇဝရႃႉ​ဢသၢၵ်ႈ​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ပေႃး​မႂ်း​ၶႂ်ႈ​ပဵၼ်​ဢၼ်​ၸေး​ၸုမ်ႇ​ၸိုင် ၵႂႃႇ​ၶၢႆ​ဢုၵ်ႉ​ၸႃႇ​ၶူဝ်း​လဵင်း​မႂ်း​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင် တၵ်း​လႆႈ​ၽၼ်ႇတႃႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ႁဵတ်း​ၸိူဝ်ႉ​ၼင်ႇ​ၼၼ်ႉ​ယဝ်ႉ​ၸင်ႇ၊ မႃး​လႄႈ​ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ​မႂ်း​ထၢမ်​လွင်ႈ​ဢၼ်​မျၢတ်ႈ​ဢၼ်​လီ​ၼၼ်ႉ တီႈ​ၵဝ်​ၼင်ႇ​ႁိုဝ်။ ဢၼ်​မျၢတ်ႈ​ဢၼ်​လီ​ၼၼ်ႉ မီး​သူႇ​လဵဝ်​ပႃး​လဵဝ်​ၵူၺ်း​ဢေႃႈ။ ပေႃး​မႂ်း​ၶႂ်ႈ​ၶဝ်ႈ​ၼႂ်း​တၢင်း​ဢၼ် ဢသၢၵ်ႈ​လိပ်း​ၼၼ်ႉ​ၸိုင်၊ ၵမ်​ၵျၢင်ႉ​ပိင်း​ၺၢပ်ႈ​ၸဝ်ႈ​တင်း​လၢႆ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၵဝ်​သမ်ႉ​ဝႃႈ​တီႈ​သူ​ၵမ်း​ၼိုင်ႈ​ၸမ်ႉ၊ ၵလႃးဢုၵ်ႉ​လၼ်ႈ​ႁူး​ၶဵမ်​ငၢႆႈ​သေ ၵူၼ်း​မၢၵ်ႈ​ၵူၼ်း​မီး​ၶဝ်ႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ပိင်း​ၺၢပ်ႈ​ဝႆႉ​တီႈ​သူ​ၸမ်ႉ၊ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ် ၽိတ်း​ပိူင်ႈ​ၼၼ်ႉ​ၵူၺ်း၊ ၵေႃႉ​ဢၼ်​ပႅတ်ႈ​မေး​မၼ်း​သေ​လႄႈ သမ်ႉ​ဢဝ်​တၢင်ႇ​ၵေႃႉ​ထႅင်ႈ​ၼၼ်ႉ ၽိတ်း​ပိူင်ႈ​မေး​မၼ်း​ဢေႃႈ။ ၵေႃႉ​ဢၼ်​ဢဝ်​မေး​ဢၼ်​ပႅတ်ႈ​ၼၼ်ႉ​ၵေႃႈ ၽိတ်း​ပိူင်ႈ​မေး​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵူၼ်း​မၢၵ်ႈ​ၵူၼ်း​မီး​ၶဝ်ႈ​ၼႂ်း​မိူင်း​ၵၢင်​ႁၢဝ်​ၸဝ်ႈ ယၢပ်ႇ​လူင်​ယၢပ်ႇ​လၢင်​ဢေႃႈ။