Ayat Alkitab yang Popular daripada മത്തായി 6

Kongsi

ആന ഈ കാര്യഗണ ബ്‌ഡ മുക്ക്യമായി സാമി ണിമാണ ആള്യ ബേ്ണ്ടിമ്, സാമി ആസെപഡ്‌റ പാസെ ണേര്‌മെക്കാറാരായി പെ്ളേക്ക്യ ബേ്ണ്ടിമ് ണിമ്മ ആസെപഡിരി. അപ്പ് ഈ കാര്യഗെല്ല ണിമാക്ക് കെ്ഡേക്കു.

അദ്‌ണാലെ ണാളേക്കുള്ള കാര്യണ പറ്റി ണിമ്മ അര്‌ക്കപഡ ബേ്ഡ. ണാളേക്കുള്ള കാര്യണ പറ്റി ണാളെ ണെനേത്ത മദി. ഒരൊരു ണാള്‌ക്ക്‌മ് അദാദ് ണാള്‌ക്കുള്ള ബുദ്ദിമുട്ടുഗ ഇര്‌ക്ക്‌ദ്.>>

<<അദ്‌ണാലെ ണാന് ണിമാക്കെ സൊല്ലുറെ, പെ്ളേക്ക്യ ബേ്ണ്ടി എന്തണ തിന്ത് ഉജുറുണ പെ്ളേസുവെ എന്തൊ, എന്തണ കുഡിക്കുവെ എന്തൊ അര്‌ക്കപഡാദി. എന്തണ ഇക്കി ഉരുവുണ മറേസുവെ എന്ത്‌മ് ണിമ്മ അര്‌ക്കപഡാദി. തീനിന ബ്‌ഡ ഉജുറുമ് സീലെഗണ ബ്‌ഡ ഉരുവുമ് ബെല്ല്യാദ് അല്ലാഗ?

ആന ണീ പരേസ്‌ഗാട്ടി, കുച്ചുക്കുള്ളുക്ക് പോയി ബാസണ അഡേത്ത് ആര്‌മ് കാണാദിര്‌ക്ക ണിന്ന് അപ്പനാന സാമിക്കെ പരേസ്. ണീ സൂഗാന സെയ്‌രാദ്‌ണ കാണ്‌റ ണിന്ന് അപ്പനാന സാമി ണിനാക്ക് കൂലി തരുവാ്.

അദ്‌ണാലെ ണിമ്മ പരേസ്‌ഗാട്ടി ഇച്ചെ പരേസുഡൊ: <മേലോഗാത്തിലിര്‌ക്ക എമ്മ്‌ദ് അപ്പാനെ, ണിന്ന് പേര്‌ണ എല്ലാര്‌മ് മദ്‌സുഡോമെ, ണീ ആള്‌റ റാജ്യ ബരുഡോമെ, ണിനാക്ക് പ്‌ഡിത്ത കാര്യഗ മേലോഗാത്തിലി ണഡാക്ക പാസെ ബൂമിലിമ് ണഡാക്കുഡോമെ.

എമാക്ക് ഇന്റെത്താദ്‌ക്കുള്ള തീനി ഇന്റ് തരുഡോമെ.

അഡ്‌ത്തവാര് എമ്മോഡെ സെയ്‌ദ പാവഗണ എമ്മ പൊറുത്ത പാസെ എമ്മ സെയ്‌ദ പാവഗണാമ് എമ്മോഡെ പൊറുക്കുഡോമെ.

പാവ സെയ്‌ര ആസേക്ക് എമാണ സിക്ക്‌സാദെ, കെ്ട്ടവാന്‌ദ് കയ്യിലിര്‌ന്ത് കാപാറ്റുഡോമെ. എന്ത്‌ക്കെന്റ എപ്പേക്ക്‌മ് എല്ല ണാഡ്‌ണ ആള്‌റവാന്‌മ്, മ്‌ഗ്‌ന്ത ബില ഇര്‌ക്കവാന്‌മ്, മ്‌ഗ്‌ന്ത മദ്‌പ്പിര്‌ക്കവാന്‌മ് ണീത്തെ. ആമെ.>

അഡ്‌ത്തവാര് ണിമ്മോഡെ സെയ്‌ദ കുറ്റഗണ ണിമ്മ പൊറുത്താക്കി മേലോഗാത്തിലിര്‌ക്ക ണിമ്മ് അപ്പനാന സാമി ണിമ്മ സെയ്‌ദ കുറ്റഗണാമ് ണിമ്മോഡെ പൊറുക്കുവാ്.

ബാനാത്തിലി പറാക്ക പക്കിന ണോഡിരി. അദ്‌ഗ ബെദേക്കാദ്‌മില്ലെ, അറ്‌ക്കാദ്‌മില്ലെ, ബല്ലാക്കെ അട്ടി ബെക്കാദ്‌മില്ലെ. ആനാല്‌മ് മോലോഗാത്തിലി ഇര്‌ക്ക ണിമ്മ്‌ദ് അപ്പനാന സാമി അദ്‌ഗണാമ് പെ്ളേസ്‌റാനല്ല? ആന ണിമ്മ അയ്യി പക്കിഗണ ബ്‌ഡ എത്തറാഗൊ ബെലെപെറ്റവാരല്ല?

<<ത്‌റ്‌ട്ടാര് ഓട്ടെ ആക്കി ത്‌റ്‌ഡി എ്ഡ്‌ക്കാദ്‌മ് സിദാല് തിങ്കാദ്‌മ് തുരുമ്പ് പ്‌ഡിക്കാദ്‌മാന ഈ ബൂമിലി ണിമാക്കുള്ള സൊത്തു സേത്തി ബെക്ക ബേ്ഡ. ആന ത്‌റ്‌ട്ടാര് ഓട്ടെ ആക്കി ത്‌റ്‌ഡി എ്ഡ്‌ക്കാത്താദ്‌മ് സിദാല് തിങ്കാത്താദ്‌മ് തുരുമ്പ് പ്‌ഡിക്കാത്താദ്‌മാന മേലോഗാത്തിലി ണിമാക്കുള്ള സൊത്തു സേത്തി ബെയ്യിരി. ണിമ്മ ഏദിലി സൊത്തു സേത്തി ബെത്തിര്‌ക്കേരൊ അദിലിത്തെ ണിമ്മ് മനേസ്സ്‌മ് ഇര്‌ക്കു.>>

ആര്‌ക്ക്‌മ് റണ്ട് പണ്ണാഡിഗാക്ക് ബേലെ എ്ഡ്‌ത്ത് കൊഡുക്ക്യ മുഡ്യമാട്ട. അച്ചെ സെയ്‌ദ ഒരുത്താനോഡെ പഗെ ഇര്‌ന്ത് ഇനി ഒരുത്താനോഡെ സീവാ് ബ്‌ട്ട് ണഡാക്കുവാ്. ഇല്ലാദെ പോന ഒരുത്താനോഡെ എ്ണേന്ത് ഇനി ഒരുത്താന ബേ്ഡ എന്ത് തള്ളുവാ്. അദ്‌ണാലെ ഒരേ ഗള്യേലി സാമിക്ക് ബേ്ണ്ടിമ് സൊത്തുക്ക് ബേ്ണ്ടിമ് ണിമാക്ക് ബേലെ സെയ്യ മുഡ്യമാട്ട.>>

ഇപ്പ് ഇര്‌ക്കാദ്‌മ് ണാളെ തീക്കിക്കി സുട്ടെക്ക്‌റ സോലേല്യ സെ്ഡിന സാമി ഇത്തറാക്ക്‌മ് അളഗളാഗ ഉണ്ടാക്ക്‌റദാനാക്കി സാമ്യോഡെ ബെല്ല്യ ണമ്പിക്കെ ഇല്ലാത്തവാരെ, സാമി ണിമാക്ക് എത്തറ ണലമായി ഉഡുപ്പിക്കുസുവാ്!

ആന ണിമ്മ ഏ്ളെഗാക്ക് ദാന കൊഡുക്കാട്ടി ആര്‌ക്ക്‌മ് തെര്യാദെ സൂഗാന കൊഡിരി. അപ്പ്‌ത്തെ സൂഗാന സെയ്‌ദാദെന്ത് ബരു. അച്ചെ ണിമ്മ സൂഗാന സെയ്‌രാദ്‌ണ കാണ്‌റ ണിമ്മ് അപ്പനാന സാമി ണിമാക്ക് കൂലി തരുവാ്.>>

<<ണിമ്മ് സട്ട്‌മെ്ട്ട്‌പഡി സെയ്‌ര കാര്യഗണ ആള്‌ഗ കാണ്യ ബേ്ണ്ടി ണിമ്മ അവാര് മുന്തുക്ക് സെയ്യാദി. അച്ചെ സെയ്‌ദാക്കി മേലോഗാത്തില്യ ണിമ്മ് അപ്പനാന സാമ്യോഡിര്‌ന്ത് ണിമാക്ക് കൂലി കെ്ഡേക്കമാട്ട.

<<ണിമ്മ തീനി തിന്നാത്ത പരേസ പരേസ്‌ഗാട്ടി ബക്‌ദിക്കാറാരായി ണഡിക്കവാര്‌ണ പാസെ മൂഞ്ചി ബഡിക്കി ഇര്‌ക്കാദി. അവാര് തീനി തിന്നാദെ പരേസ്‌റവാരെന്ത് ആള്‌ഗാക്ക് കാട്ട്യ ബേ്ണ്ടി മൂഞ്ചിന സൊക്കസൊക്ക ആക്ക്‌റാര്. അവാര്‌ക്ക് കെ്ഡേക്ക്യ ഉള്ള കൂലി ഒട്ടുക്ക് അവാര്‌ക്ക് കെ്ഡേത്ത്‌ദ് എന്ത് ണേര്‌മായിമ് ണാന് ണിമാക്കെ സൊല്ലുറെ. ആന ണിമ്മ തീനി തിന്നാത്ത പരേസ പരേസ്‌ഗാട്ടി, മൂഞ്ചിന കച്ചി തലേന കോരിന്ത് ദുളുദുള ഇരിരി. അപ്പ് ആര്‌ക്ക്‌മ് കാണ്യ മുഡ്യാത്ത ണിന്ന് അപ്പനാന സാമിക്കല്ലാദെ ബേ്റെ ആര്‌ക്ക്‌മ് ണീ തീനി തിന്നാദെ പരേസ്‌റെ എന്ത് തെര്യമാട്ട. ണീ സൂഗാന സെയ്‌രാദ്‌ണ കാണ്‌റ ണിന്ന് അപ്പനാന സാമി ണിനാക്ക് കൂലി തരുവാ്.>>