Ayat Alkitab yang Popular daripada PARARUDAN 23

Kongsi

Yen kita pageh mabakti teken Ulun, Ida Sang Hyang Widi Wasa, Widin kitane, Ulun lakar ngamertanin kita aji pangan kinum tur ngaadang saananing panyakit kitane. Ditu di gumin kitane tusing lakar ada anak eluh ane nglabuhang wiadin bekung. Ulun lakar nawanang tuuh kitane.

“Ulun lakar ngutus malaekat Ulune ngamaluin kita buat nyayubin kita di jalan muah nuntun kita ka tongos ane suba sediang Ulun.

Yening kita tinut teken ia, tur nglaksanayang saluiring ane prentahang Ulun, Ulun lakar merangin sawatek musuh kitane.

Edaja milu teken anake ane ajaka liu ane demen malaksana dura cara wiadin ane demen ngadu ada. Eda milon teken anak tiwas yen ia sedek maprakara.

“Eda kema mai ngaba raos ane bobab, tur eda nulungin anak ane pelih malantaran aji kasaksian ane bobab.