Ayat Alkitab yang Popular daripada Nkanee 14

Kongsi

EWURADZE do etua ara nko na mma hom nntsew, nkyii so mma hom nnsuro asaase no do nkorɔfo no; na wɔyɛ edziban ma hɛn: hɔn akataman efi hɔn do, na hɛn dze EWURADZE nye hɛn wɔ hɔ: mma wonnsuro hɔn.

EWURADZE fa ebufuw nyaa, na n’adɔyɛ so, ɔdze emumuyɛ nye mbrato kyɛ, na bem bi na onnkobu ɔfɔdzinyi no; ɔdze egyanom hɔn emumuyɛ hwɛ mba, kodu ebusuasantsen ebiasa nye anan do.

Sɛ yɛsɔ EWURADZE enyi a, ɔno ɔdze hɛn bodu asaase no do, na ɔdze ama hɛn; asaase a numfonsu nye ewo pem do.

na m’akowaa Kaleb dze, osiandɛ ɔwɔ sunsum bi so wɔ no mu, na oedzi m’ekyir koraa no ntsi, medze no mubodu asaase a ɔkɔr do no do; na n’asefo afa.

Se hɔn dɛ, Metse ase yi, EWURADZE na ɔse, ampaara dɛ mbrɛ hom akasa wɔ m’asomu no, dɛmara so na mebɛyɛ hom

Na EWURADZE see Moses dɛ, Ɔman yi rubu me enyimtsia ekodu dabɛn? Na dabɛn na wɔrenngye me nndzi, wɔ nsɛnkyerɛdze a mayɛ wɔ hɔn mu nyinara mu no ekodu?

Na Israelmba no nyinara hwinhwiin Moses nye Aaron ho: na mboanofo no nyinara see hɔn dɛ, Ka hɛn nko a nkyɛ Nyankopɔn maa yewuwui wɔ Egypt asaase do! Anaa sar yi do ha ara mpo, ka hɛn nko a nkyɛ Nyankopɔn maa yewuwui!

Na Nun ne babanyin Josua nye Jefune ne babanyin Kaleb a wofi hɔn a wɔkɛseraa asaase no mu no, sunsuaan hɔn ntar mu: na wɔkasaa kyerɛɛ Israelmba mboanofo no nyinara dɛ, Asaase a yetwaa mu kɔree kɛserae no, ɔyɛ asaase pa mbordo.

mbom nokwar ara, dɛ metse ase, na dɛ EWURADZE enyimnyam bɛhyɛ asaase nyinara ma yi; osiandɛ nyimpa nyina a woehu m’enyimnyam, nye me nsɛnkyerɛdze a meyɛe wɔ Egypt nye sar no do no, naaso wɔasɔ me ahwɛ mpɛn du nye yi, na woenntsie me ndze no; ampaara wonnkohu asaase a mekaa ho ntam mekyerɛɛ hɔn egyanom no, nkyii so hɔn mu biara a obu me enyimtsia no runnhu