Ayat Alkitab yang Popular daripada Genesi 37

Kongsi

Josefa a di lora ndroro, a gu embela vandriyaye; avo va di engedzela gu mu venga khu tshivba.

Israyeli a di gola ngudzu Josefa guvbindra simbe sanana saye, kholu a diri gyanana a nga velegedwa muwukhosaneni gwaye. A di rumisa gu a giredwa ngandzu nya gumbure, nya mivala nya mingi ni gulapha mawogo.

Vandriyaye khu gu wona gukhavo babe wawe a gu gola ngudzu Josefa guvbindra avo vatshavbo, va di mu girela lidiwo, va mu venga va si ganeli naye na va tshulegide.

Josefa a di engedza gulora yimbe ndroro a embeledzela vandriyaye, khuye: “Nyi loride gambe yimbe ndroro: Khu ndroroni nyi di wona lidambo ni ngima ni likhumi na mweyo dzinyeledzi na dzi gu noga mbeli gwangu.”

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Josefa a di khuye gwawe: “Nyi ngu mi lombani mupwe ndroro nyi nga lorago. Ethu hi di gu hunga maduvi nya mwasi thembweni, khu githugedza, liduvi langu li di khugega li ema, gasi aya yanu ma di gu li randrela ma gu noga mbeli gwaye.”

“Hongoleni hi mu songe hi mu rinya ga moyo nya milambo yeyi, hi na ya khethu a di hodzwa khu sirengo nya likhabi. Hi na nga wona mwendro miloro yaye yi na tadzisega.”

Vanyawugwewo nya gute khu tigoni ga Medhiyani, va di vbindra khu vbafuvbi ni vbale va nga bani varomo vandruye va Josefa. Va ndriyaye va di dusa Josefa khu namboni; va mu rengisa ga va na Ismayeli khu tengo nya magumavili singerengere nya parata. Vaismayeli va di dzega Josefa va gu hongola naye Egipito.

Va di embeledzelana, khavo: “Wonani a nguta nyamilorwane.”

Aholu avo va mu wone na nga guta khu hwindzo, va pwanana gu mu songa.

Rubheni a di engedza a ganela, khuye: “Mu nga vbaladzini novba! Mu rinyeni namboni wu guromo giwulani, aholu mu nga mu bayisi.” A diri ni mapimo nya gu mu vbulugise mandzani gwawe gasi gu mu bweledza ga babe waye.