Ayat Alkitab yang Popular daripada MATAYO 27

Kongsi

Lwi ing'inga yaduuka ahimbi zisa tisa, Yeso yalira nu mwoyo munene, “Eli, Eli, lama sabakatani?” Livoora liago liveeye, “Nyasaye wange, Nyasaye wange, kigira ki ondeki?”

Hene yaho, inguvu yi Litembeli yatanduka mu hagati kutura yigulu kuduuka hasi. Lirova liadegera, amagina ni gadika, ivilindwa viakunuka kandi, na avatakatifu vanyingi avaari ni vaakuza kale vasimugukizwa.

Yeso yalira vudinyu, ma naalakula mwoyo gwigwe.

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Kutura zisa sita kuduuka zisa tisa zia mbasu, kisundi chakunika kivala choosi.

Pilato yavateva, “Maku ngole ki ku Yeso ulangwa Mesia?” Vosi vaamutivulira, “Muvambe!” Pilato yateeva, “Kigira ki? Akoli uvudamanu ki?” Navo vaakira iliyoga, ni vahanzuka: “Avambwe!”