Ayat Alkitab yang Popular daripada OKHUCHIAKA 11

Kongsi

Naboola mbu, “Lola, abandu yaba nibalala khandi bal'lomanga ol'lolomo l'lala, ne yikhu nokhuchiaka butswa okhwebindu biabanyala okhukhola. Sibuliba obutoro okhubakaya tawe. Chende khwikhe hasi khukoyanie ol'lolomo lwabwe khe babule okhuhuchilisania.”

Nibaboola mbu, “Khwombokhe litookho elili nende omunaara okwokhwola khwikulu, khe khwelombele eliira khubule okhusalaanibwa hosi hosi khusibala.”

Litookho tsana liamala nililangwa Babeli, sichila niho aho OMWAMI yakoyanichisia ol'lolomo lwabandu bosi. Ne okhurula yaho OMWAMI yabasalaania musibala siosi.

Olwokhuranga abandu bosi musibala bali nende ol'lolomo l'lala ma khandi barumikhilanga amang'ana amafwanani.

OMWAMI niyeekha hasi okhulola litookho nende omunaara okwabandu bali nibombokhele.

OMWAMI yamala nabasalaania khusibala siosi ma nibalekha okhwombokha litookho tsana.