Ayat Alkitab yang Popular daripada OKHURULA 5

Kongsi

Kho Musa nende Haruni batsia Emisiri ma nibaboola mbu, “OMWAMI Nyasaye wa Isiraeli aboolanga mbu, ‘Lakhuula abandu banje batsie okhukhola lisabo musitsiimi okhumbelesia oluyali.’ ”

Okhurula olwa ndatsia khumuruchi okhumubool'la aka waaruma, abasandianga okhusila. Nawe sibulakhwoho esiokhol'le okhubakhonya!”

Kho Musa khandi nakalukha khu MWAMI namubool'la mbu, “OMWAMI, nisina esichilanga nokhupia abandubo esibi? Nisina esiachila niuruma hano?

Omuruchi nareeba mbu, “OMWAMI niwina? Nisina esichila muhul'le ma ndakhuule Abaisiraeli batsie? Ise sindamanya OMWAMI uyo tawe, ne sinzia okhulakhuula Abaisiraeli okhutsia tawe.”

Nebutswa mubahachie okhulomba amatifwali akahelan'ne nende akabalombanga khasotso, nilirakhalemakhwo kata elala tawe. Sibali nende ekasi inyinji eyokhukhola tawe, ne nisio esichilanga nibatsilil'la okhureeba mbu mbalakhuule batsie okhuhaana omusango khu Nyasaye wabwe! Mutiyie abandu yabo butinyu ne barahulukhakhwo tawe, kho babule obweyangu bwokhuhia amang'ana kobubehi.”