Ayat Alkitab yang Popular daripada OKHURULA 20

Kongsi

“Ise nise OMWAMI Nyasaye wenywe owamuhinia musibala sie Misiri aha mwalinji abasumba. “Murekayakayakhwo Nyasaye undi narali ise tawe.

“Murelombelakhwo ebiniini biesindu siosi esili mwikulu nohomba khusibala nohomba kata esili munyanza eli hasi wesibala tawe. Murenamilakhwo omusambwa nohomba okhukwekayakaya tawe, sichila Ise nise OMWAMI Nyasaye wenywe ne sinyala okhumuhuchil'la okhuba nabanyasaye bandi tawe. Mbiikhanga esinyasio khu yabo abambihil'lwanga nende khutsinzibulo tsiabwe okhwola khulwibulo lwakhataru nende olwakhane.

“Helesie Papa namama oluyali kho mube abanyala okhumenya musibala esia muhetsanga.

“Mwitsul'le amalako ke Sabato ma muchikhole okhuba inzienukhu.

“Murarumikhila eliira lianje mumang'ana amabi tawe, sichila ise, OMWAMI Nyasaye wenywe nambaane esinyasio khu uyo wosi orumikhilanga eliira lianje munjila imbi.

Muli namatukhu kasasaba okhukhol'lamwo emilimo, nebutswa litukhu liakhane nakhataru nelitukhu lie Sabato khu MWAMI Nyasaye wenywe. Khwitukhu yilio omundu arakholakhwo omulimo tawe; kata inywe, abaana benywe, abasumba benywe, emiruko chienywe nohomba abandu abamwamenyia musibala sienywe tawe.

“Orakhayilwa inyumba yowasio tawe; orakhayilwa omukhasi wowasio, kata omusumbawe, kata ing'ombeye, nepundaye nohomba esindu siosi esia yakhaba nali n'nasio tawe.”

“Murachiikha abasienywe tawe.

“Muraheya tawe.

“Mureera omundu tawe.

“Mureeba tawe.