Ayat Alkitab yang Popular daripada OKHURULA 15

Kongsi

Yababool'la mbu, “Nimuba nimwakhambulila kupu khulwokhukhola akali amalunji khu ise nende okhufumila amalako kanje, sindakhamuhekhwo esinyasio siobulwaye bwosi obwandahaana khu Bamisiri tawe. Ise nise OMWAMI, omuhonianga mubulwaye bwenywe.”

OMWAMI niye Omusooli wanje omukufu; niye owali okhusoola. Ye ni Nyasaye wanje, nase namufumie, ni Nyasaye wa papa wanje, ne nanyembe khukobukhongo bubwe.

“OMWAMI, niwina khubanyasaye olikhwo singa ibe? Niwina owakhafwana n'nawe, owokhuchenyia mubutsienukhu? Niwina owakhakhola akamangalimwa, nende ebindu biokhuchenyia singa ibe?

Mukhuba omusubilwa musiesuho sisio, wemel'la abandu baabo aba wanunula; mutsingufu tsitsio wabemel'la okhutsia musibala sisio esitsienukhu.

Olwa boola habundu halangwanga Mara, sibaali abanyala okhunywa amaatsi kaho tawe sichila kali amalulu. Nisio esichilanga habundu yaho nihalangwa Mara Abandu bekaan'na Musa nibareeba mbu, “Khwitsa okhunywa sina?” Musa yasaaya nomwoyo kwosi khu MWAMI ma OMWAMI namumanyia esitonye siomusaala esia yafuuba m'maatsi; ne amaatsi nikakaasa khulwokhunywa. Ebwene yiyo OMWAMI yabahelesia amalako kokhumenyela, khandi nabateemelayo.