Ayat Alkitab yang Popular daripada OKHURULA 10

Kongsi

Ma OMWAMI nabool'la Musa mbu, “Tsia olole omuruchi. Mal'le okhumukhola halala nabemeli baabe okhutinyia emioyo chiabwe khe mbe onyala okhukhola akamangalimwa yaka hakari wabwe, khandi khe mbe onyala okhubool'la abaana benywe nende abetsukhulu benywe obwa ndakhola Abaamisiri okhuba abahingwa olwa ndakhola akamangalimwa yaka. Inywe mwesi mulamanya mbu ise nise OMWAMI.”

Ma OMWAMI nabool'la Musa mbu, “Chinguula omukhono kukwo mwikulu ne esiilima esikali siitsa okhuba khusibala sie Misiri siosi.” Musa yachingula omukhono kukwe mwikulu ne esiilima esikali siali khusibala sie Misiri siosi khulwamatukhu kataru. Abaamisiri sibali abanyala khulolana nabasiabwe tawe, ne abulaho owarula munyumbamwe olwene yilwo tawe. Nebutswa Abaisiraeli bali nobulafu ahabamenyanga.

Kho Musa yachinga indabusi yiye ma OMWAMI naleera omuyeka okhurula ebukwe okhuhungutsa khusibala litukhu yilio liosi nende obutukhu yibwo bwosi. Olwa bwasia omuyeka kwali nikuler're tsisiche. Tsietsa mumisinga ma nitsiyeela khusibala siosi. Tsiali emisinga emikali etsiomundu wosi asili okhulolakhwo khandi etsiomundu alibula okhulolakhwo khandi tawe.