1
TEUBILEUENG 20:12
Alkitab HABA GET
LAIACE
Teuma TUHAN geusapa Nabi Musa dan Nabi Harun, kheun Gobnyan, “Sabab gata kureueng meuiman ubak Ulôn keu teupeugah kuasa Ulôn nyang suci dikeue bansa Israel, gata hana teuma tapimpén awaknyan jitamong u nanggroe nyang Ulôn peujanji keu awaknyan.”
2
TEUBILEUENG 20:8
“Gata cok kheueh tungkat nyang na dikeue Peuto Peujanjian, laju lé gata dan Nabi Harun gatajak peusapat banmandum umat. Dikeue awaknyan banmandum, gata harôh tapeugah ubak gunong batée nyang na disinan mangat nibak gunong batée nyan ji peuteubiet ié. Meunan kheueh gata ka tapeuteubiet ié nibak gunong batée nyan mangat rakyat dan beulatang peulara awaknyan hase jijieb ié.”
3
TEUBILEUENG 20:11
Lé Nabi Musa laju geubeuôt tungkat geuh nyan dan tungkat nyan laju geu seukok u ateueh gunong batée nyan dua goe. Teuma jiteubiet kheueh ié nibak batée nyan nyang lumpah teuga, sampoe banmandum ureuëng dan beulatang peulara hase jijieb.
4
TEUBILEUENG 20:10
Nabi Musa dan Nabi Harun laju teuma geupeusapat banmandum umat dikeue gunong batée nyan. Óh lheueh nyan Nabi Musa geupeugah, “Deungoe kheueh nyoe, hai kawöm peumbeurontak! Peu kheueh kamoe harôh kamoe peuteubiet ié lam gunong batée nyoe?”