Ayat Alkitab yang Popular daripada TEUBILEUENG 13

Teuma Kaleb jipeumangat até ureuëng-ureuëng nyang meualoh alah ubak Nabi Musa. Kheun Kaleb, “Nanggroe nyan harôh taprang dan tareubot saát nyoe cit teuma, kareuna geutanyoe seb that teuga keu ta peutaloe awaknyan.”

Bit that kamoe kalon ureuëng-ureuëng nyan lagée gogasi, na kheueh keuturonan Enak. Teubandéng deungon awaknyan kamoe nyoe na kheueh bube daruet, dan pasti lagéenyan kheueh anggapan awaknyan keu kamoe.”

Teuma ureuëng-ureuëng nyang jigisa deungon Kaleb nyan jipeugah, “Hana, geutanyoe hana hase taprang awaknyan. Peunduduek nanggroe nyan leubeh teuga nibak geutanyoe.”

Laju awaknyan jitabu haba seumeungeuet lamkawan ureuëng Israel keuhai nanggroe nyang awaknyan luem nyan. Kheun awaknyan, “Nanggroe nyan keubit mubahya, bahpi keu peunduduek jihnyan keudroe. Ureuëng nyang kamoe kalon disideh keubiet badan jih gét that raya-raya.

Kheun awaknyan ubak Nabi Musa, “Kamoe ka kamoe seulidék nanggroenyan dan kamoe kalon teuma bahwa tanoh jih kaya ngon suboe, dan nyoe na bacut boh kayée nyang kamoe ba di sidéh.

Banda awaknyan raya-raya lom teuma teupageue deungon kuta nyang kukoh, meunan cit kamoe kalon ureuëng-ureuëng nyang tinggai disinan badan jih raya-raya awaknyan na kheueh keuturonan gogasi disinan.

Ureuëng Amalek tinggai dibagian seulatan nanggroe nyan; ureuëng Het, Yebus dan Amori awaknyan tinggai di daerah nyang meugunong-gunong; seudangkan ureuëng Kanaan awaknyan tinggai di daerah di seupanyang laôt dan di seutôt talo Krueng Yordan.”

dan awaknyan laju jibri laporan keuhai buet muluem nyang ka seuleusoe jikeureuja nyan ubak Nabi Musa, Nabi Harun dan banmandum umat Israel nyang teungoh meugumpôi di Kades, diteungoh padang pasi Paran. Awaknyan jicalitra laju peue nyang ka awaknyan kalon dan jijok teuma laju boh-boh kayée nyang ka awaknyan pot ateueh bak jih.