Ayat Alkitab yang Popular daripada YOSUA 6

TUHAN geupeugah ubak Yosua, “Jinoenyoe Ulôn seurah ubak gata Yerikho deungon raja jihnyan dan banmandum tantra jih nyang beuhe-beuhe nyan.

Óh lheueh nyan di imeum-imeum nyan harôh kheueh teuma jiyueb beureuguih nyan deungon su nyang panyang. Meunan gatanyoe tadeungoe su nyang panyang nyan, banmandum tantra harôh jisumurak ngon su nyang meugeunta meunan cit deungon riôh nyang meutaga su jih sampoe beuton bintéh banda nyan reuloh sampoe hanco. Laju óh lheueh nyan gata banmandum tatamong laju u dalam banda nyan.”

Gata dan tantra gata harôh gatadong meubaréh takeulileng banda nyan sigoe siuroe nyang treb jih nam uroe.

Tujoh droe imeum, maséng-maséng imeum nyan jiba beureuguih, jihnyan harôh kheueh jijak dikeue Peuto Peujanjian. Nibak uroe nyang keutujoh, gata dan tantra gata mandum harôh teuma jikeulileng banda nyan nyang le jih tujoh goe teuma di imeum laju jiyueb beureuguih nyan.

Di banda Yerikho banmandum pintoe-pintoe geureubang rot tamong ka jijaga deungon kong that dan jitôb deungon rapat mangat ureuëng Israel hana hase jitamong. Hana meusidroepi nyang jeuet jitamong atawa jiteubiet lam banda nyan.

Bak uroe nyang keu tujoh, meunan lé imeum-imeum geuyueb siruné kale nyan, Yosua laju geubri aba-aba geuyue sumurak ubak banmandum pasokan. Kheun Yosua, “TUHAN ka geuseurah bandanyoe keu gata!

Bansigom banda meunan cit deungon peue nyang na asoe jih bah kheueh teupeuhanco banmandum nyan na kheueh sibagoe peuseumahan ubak TUHAN. Na kheueh Rahab, ureuëng inong jeuhet nyang lunté nyan meunan cit deungon waréh kawöm keuluwarga jih nyang jeuet teupeubiyeu udeb, sabab jihnyan ka jitulông mata-mata geutanyoe.