Ayat Alkitab yang Popular daripada KITAB NABI YESAYA 30

Meunyoe gata meusimpang nibak rot, dilikot gata teuma teudeungoe su nyang jipeugah, “Nyoe kheueh jalan gobnyan; seutôt kheueh jalan nyoe.”

Bahpih lagée nyan, TUHAN geupreh-preh watéejih keu geutunyok gaséh sayang Gobnyan keu gata. Gobnyan siab seudia keu geugaséh gata. Sabab TUHAN na kheueh Po teu Allah nyang peubuet peue nyang paih. Mubahgia kheueh ureuëng nyang meuharab ubak Gobnyan.

TUHAN Nyang Mahamanyang, Po teu Allah kudus Israel, meufeureuman keu umat Gobnyan lagée nyoe, “Tobat kheueh dan teutab kheueh lam keuadaan teunang, teuma gata Lôn peuseulamat. Peucaya kheueh ubak Ulôn deungon até nyang teuntram, teuma gata Lôn bri teunaga.” Teuma gata teutab hana tatem!

TUHAN geubri keu gata masa teu-ujoe nyang lumpah brat keugeupeurunoe gata. Teuma jinoenyoe Gobnyan keudroe nyang dampeng gata sampoe gata tarasa keuhaderan Gobnyan.

Hai gata nyang tinggai di Yerusalem, gata hana tamo sabe. TUHAN na gaséh sayang, dan deungon bagaih geujaweueb gata meunyoe gata lakée tulông ubak Gobnyan.

TUHAN meufeureuman, “Ceulaka kheueh bubena peumimpén Yehuda, sabab awaknyan jibeurontak keu Ulôn. Awaknyan jiseutôt reuncana nyang kon teuka nibak Ulôn. Awaknyan jiteken peujanjian nyang hana sisuai deungon keuheundak Ulôn. Dan meutumpok-tumpok kheueh desya awaknyan.