Ayat Alkitab yang Popular daripada Alo 12

Mũikaatĩĩe mĩkalĩle ya andũ ma nthĩ ĩno, ĩndĩ ĩtĩkĩlyai Ngai amũalyũle ngoonĩ kwa kũmũtũnga eũ ilĩkonĩ syenyu. Nĩvo ĩndĩ mwĩĩthĩwa mũtonya kũmanya kĩla Ngai ũkwenda, nakyo nĩ kĩla kĩseo, kĩmwendeeasya na kyaĩlu.

Nĩngũmwĩsũva ĩndĩ mbaitũ, nũndũ wa tei mwingĩ ũla Ngai ũtwonetye, mwĩyumye inyw'ĩ ene ta nthembo yĩ thayũ, ntheu na ya kũmwendeesya Ngai. Ĩsu nĩyo nzĩa ĩla mbaĩlu yenyu ya kũmũthaitha Ngai.

Wĩkwatyo wenyu nũmũtanasye; ĩthĩwai na wũmĩĩsyo yĩla mwĩ mathĩnanĩ, na voyaai kĩla ĩvinda.

Mũiketĩkĩle mũkĩlw'e vinya nĩ ũthũku, ĩndĩ kĩlyai ũthũku vinya kwa kwĩka ũla ũseo.

Endanaai na wendo ta wa andũ masyaanĩw'e, na kĩla ũmwe ainenga ũla ũngĩ ndaĩa ĩla nene.

Wendo wenyu nĩwĩthĩwe wĩ wa w'o. Menai ũndũ w'onthe mũthũku, na mũilũmya ũla ũseo.

Ethĩwa nĩkũtonyeka ngalĩkonĩ ĩla yenyu, ĩkalai na mũuo na andũ onthe.

Mũikaaĩyĩĩvanĩsye endwa makwa, ekai Ngai aĩvanĩsye. Nĩkwĩthĩwa Maandĩkonĩ Matheu Mwĩai nũneenete akasya: “Ũĩvanĩsyo nĩ wakwa; ninyie ngaĩvanĩsya.”

Mũikaaleele kĩthitonĩ kyenyu, ĩndĩ ĩthĩwai mwĩ athangaau vevanĩ mũimũthũkũma Mwĩai.

Kumana na mumo ũla Ngai ũnengete nĩngũmũtavya inyw'onthe: Mũikatate kwĩyosa ta mwĩ anene kũthonoka ũndũ mwaĩlĩte kwĩthĩwa mwĩana. Mosũanĩo menyu methĩwe meanĩe, na kĩla ũmwe wenyu akĩtw'ĩĩa kwĩanana na kĩthimo kya mũĩkĩĩo kĩla Ngai ũmũnengete.

Mũikaĩvanĩsye ũthũku kwa ũthũku, ĩndĩ tatai kwĩka kĩla andũ onthe monaa kĩ kĩseo.

Ĩkalai mwĩ na mwĩw'ano katĩ wenyu; mũikethĩwe na mĩtũlyo, ĩndĩ tumai ndũũ na andũ ala mavũthaw'a. Mũikeyose ta mwĩ oĩ mũno.

Vandũ va kwĩyĩĩvanĩsya ĩkai ũndũ Maandĩko Matheu mekwasya: “Ethĩwa mũmaitha waku e na nzaa, mũathĩsye. Na ethĩwa e na waũni, mwĩkĩe kĩw'ũ anyw'e. Weeka ũu ũkatuma akwatwa nĩ nthoni mbingĩ.”

Athimaai ala mamũthĩnasya; ĩĩ, maathimaei na mũikamaumanĩe. Tanai vamwe na ala meũtana; ĩai na ala mekũĩa.

Tethasyai aĩkĩĩi ala angĩ mavatanĩ moo, na mũithokasya aeni na ũlau.

Nĩkwĩthĩwa o tondũ nthĩnĩ wa mwĩĩ ũmwe vethĩawa mamutha maingĩ, na kĩla yĩmwe yĩthĩawa na wĩa wĩ kĩvathũkany'o na yĩla yĩngĩ, o ta ũu naitũ o na kau twĩ aingĩ, twĩ mwĩĩ ũmwe nthĩnĩ wa Klĩsto, na kĩla ũmwe nĩ ĩmutha ya ũla ũngĩ.