Ayat Alkitab yang Popular daripada Sant Matiéu 13

Kongsi

Mai lou gran qu'es esta semena en bono terro, es aquéu qu'escouto la paraulo e n'en a la coumprenènço e cargo de fru fasènt d'un cènt o d'un sieissanto o d'un trento.

La semenço qu'a toumba dins lis espino, es aquéu qu'entènd la paraulo; mai li pensamen d'aquest siècle emai l'engano di richesso estoufon la paraulo, e de fru éu rèsto sènso.

Quau escouto la paraulo dóu reiaume e n'en a pas la coumprenènço, lou Catiéu vèn e piho ço qu'es esta semena dins soun cor: acò 's lou gran que s'es escampiha long dóu camin.

Lou gran qu'es esta semena dins li rode peirous, es aquéu qu'escouto la paraulo e tant-lèu emé grand goust la reçaup. Mai se trovo de ges avé de racino, e duro qu'un tèms. Peréu vèngue lou treboulun e la persecucioun à prepaus de la paraulo, tant-lèu es escandalisa.

Ressèmblo lou reiaume dóu cèu au tresor escoundu dins uno terro: l'ome que l'a trouva l'acato, e dóu countentamen que n'a, s'envai, vènd touto sa chabènço e croumpo aquelo terro.

D'autre enfin toumbèron dins de terro bono, e faguèron d'un cènt, d'un sieissanto, d'un trento.

Leissas crèisse tout acò enjusquo pèr meissoun; e vèngue meissoun, dirai i meissounié: Acampas proumié li clot de juei e lias-lèi en boutiero pèr brula; mai la seisseto, amoulounas-la dins moun granié.