Ayat Alkitab yang Popular daripada MAHTE 24

Kongsi

Tara tawt lai ai amu law wa na majaw, masha law law a tsawra ai myit kawp mat na ra ai: rai timung, jahtum du hkra shakut sharang ai wa gaw, hkye hkrang la ai hkrum na ra ai.

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

Hpyen gasat ai hte majan law wa na shiga nanhte na lu na maru ai; rai timung, nanhte myit n ru myit ga, sadi dung nga mu: kaning rai nme law, dai re ai ni gaw, byin lu na ra ai rai timung, dai jahtum ai gaw garai n rai nga ai.

Bai, amyu mi hte amyu mi, mung mi hte mung mi shada da gumlau hkat na mara ai: hku hku ai hte nnang nawn, shara kaga kaga hta e byin wa na ra ai: dai yawng chyawm gaw, kyin dut ngu ai a npawt nhpang rai nga ai.

Sumsing lamu hte ginding aga lai mat wa timung, nye a ga gaw n lai mat na li ai.

Kaning rai nme law, masha law law wa nye a amying hte paw pru nna, Ngai gaw Hkristu rai nga nngai, nga nna law law hpe lam shadam kau na maru ai.

Dai ban e, shanhte gaw ru tsang ai de nanhte hpe ap ya nna, sat kau na marin dai; nye amying a majaw amyu baw shagu nanhte hpe n dawng n wawm na myit dai. Dai shaloi e, masha law law myit kataw wa nna, shada da ap kau ai hte, shada da n dawng n wawm na mara ai. Masu ai myihtoi law law mung paw pru nna, law law hpe lam shadam na mu ai.

Yesu gaw, Kadai mung, nanhte hpe n hkalem lu myit ga, sadi nga mu.

Dai rai nna nanhte mung chyip chyip rai nga mu: kaning rai nme law, nanhte n dum n mi re ai ahkying hta e, dai Masha Kasha du wa na ra ai.

Dai rai nna, nanhte a Madu gaw gara shani e du wa na hpe nanhte n chye myit dai majaw, a maja nga mu.

Rai timung, dai shani hte ahkying hpe chyawm gaw kadai mung n chye lu ai: lamu kasa ni hte Kasha pyi, dai hpe n chye lu ai; Wa hkrai sha dai hpe chye lu ai.

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

Bai, Noa a ban e rai nga ai hte maren, Masha Kasha a bai sa du ai hta e rai wa na ra ai. Kaning rai nme law, dai sha-u garai n ing yang na masha ni gaw Noa sanghpaw li kata de shang wa ai nhtoi du hkra, lu lu sha sha, num la num ya rai nga ma ai rai nna, dai sha-u ing wa ai hte nlang hte hpe magawn mat wa ai du hkra, shanhte n dum shami nga nga ma ai hte maren, dai Masha Kasha a bai sa du ai hta mung, rai wa na ra ai.