Ayat Alkitab yang Popular daripada MAHTE 2

Kongsi

Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.

Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna, “Shangai wa sai Yuda hkawhkam wa gaw, kanang rai nga a ta? shi a shagan hpe sinpraw mung hta e anhte mu lu sagaw ai rai nna, shi hpe nawku na sa du ra ga ai,” nga nna san ma ai.

Dai shagan hpe mu mu ai shaloi, shanhte nachying kabu gara nga ma ai.

Herod hpang hku bai n hprang wa mu ga, yup mang hta shanhte hpe madun dan mu ai majaw, shanhte gaw tinang a mung de, lam kaga hku wa mat ma ai. Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.