Ayat Alkitab yang Popular daripada YAWHAN 19

Kongsi

Yesu gaw dai ntsin hkri hkap lu ngut jang, “Ngut masali ai,” nga nhtawm, baw nga di nna, nsa jahti kau wu ai.

Dai hpang Yesu gaw amu mahkra ngut sai hpe chye wu jang, “Ngai hpang kara nngai,” nga nna laika shadik na matu tsun wu ai.

Dai majaw Yesu gaw kanu hte shi tsawra ai sape, makau e tsap nga ma ai hpe, mu wu yang, kanu hpe, “Numsha e, ning sha hpe yu u,” ngu wu ai. Dai sape hpe mung, “Ning nu hpe yu u,” ngu wu ai. Dai shani kaw nna dai sape gaw, Yesu a kanu hpe shi a nta e woi tawn da wu ai.

Yesu kaw du yang, shi si mat boi sai hpe shanhte mu ma ai majaw, shi a lagaw hpe gaw n daw ya mu ai: rai timung hpyen masha langai mi gaw, shi a garep hpe ri hte galun waw ya wu ai rai nna, shaloi jang sai hte ntsin pru wa ai.

Kaning rai nme law, dai lam byin ai gaw, “Shi a nra langai mi muk daw na n rai,” nga ai laika ga dik wa na matu rai nga ai. Bai laika langai mi hta, “shanhte galun waw ai wa hpe shanhte mu lu na maru ai,” nga ai.

Dai rai nna shanhte gaw Yesu hpe woi dun wa mu ai: Yesu gaw shi a wudang shi dai hpai nna, Pungkum ngu ai shara de pru sa wa ai; dai shara hpe Hebre ga hte Golgohta nga ma ai

Hpyen masha ni mung ju hpun hte lagup hkri la nhtawm, shi a baw hta shagup ya nna, palawng ahkyeng mung shi hpe jahpun mu ai