Ayat Alkitab yang Popular daripada Ipipẽ Xà 5

Kongsi

Pê ajco mencrer tuw to mencrer to me hane he: “Ate ihkàhhôc ita pyr ne hihê mẽn xà caxuw ampeaj kam apej! Ampo na? Pê ca ty, ne acaprô jaxwỳ. Ne acaprô jaxwỳr ata to Pahpãm mã pjê kam krĩxàre cunea pê mehkwỳ japrô, ampo kra me, me harkwa pihho to mehcakôc catêjê me, pjê cunea kam atajê cunea pê ca me haprô.

“Apê Caràcahàcre Kra pê Jeju. Pê ca amji to me ikritxwỳ, pê ca ijaxà kam ty ne apeaj to apej. Ne me hirôa pê atỳj, ne me hirôa pê gakràj, ne me hirôa pê ate amji jahkre pej, ne me hirôa pê ahihtỳj! Mã pjê cunea kam amji mã me acupa, ne mehcunea mã apejti na gahkre pej, ne me imã mehcunea te acatihti me apejti na me garẽn na me to prãm!” hajỹr.

Ne amji mã mehcunea to amã me hàpên catêjê. Ne me taa mã quê ha mehkwỳ to me amã mehcakôc, ne me taa pjê cunea to mehhimpej” hane.

Ne pea ite ampo pryre cunea increr na kam ijapac. Côjkwa kam cuwênti me, pjê kam pryre me, pjê krac ri pryre itajê me, côxwa kam tep me, pjê cunea kam, pryre cunea increr na kam ijapac. Mã cute mencrer to hajỹr he: “Por ca ajỹr xà kam jỹ ata me, Caràcahàcre Kra ata me, wa acatihti impejti na me garẽn to prãm. Mã pjê cunea kam amji mã me acupa, ne mehcunea mã apejti na me gahkre pej, ne mehcunea jirôa pê me acarôt tỳj rohnỳtti mã” hajỹr.

Mã pahhi na mehkwỳ nõ ata te imã: — Apu acwỳr nare, hõmpu he, Juta na mehkwỳ jõ Pahhiti pê rop cahàcti jõkre hôhti pyràcti ita ri me hirôa pê carôt tỳj. Ne cupê pahhi Tawi xwỳ tàmxwỳ tàmxwỳ, Juta tàmxwỳ, ne taa mã quê ha ihtỳj ihkàhhôc na ihtô xà te xet itajê jirên pa, ne capô ne hõmpu — hajỹr.