Hacme, ne Pahpãm mã Krĩpinkrên kam amehkrĩ atajê cajrẽn.
Cu ha mehcajrẽn to hane he:
“Ca ha ma me hamã,
mãr quê ajpẽn na mehhôncoti to me ipa.
Ne por krĩ kwỳ mã, Krĩpinkrên kam amehkrĩ catêjê kĩn atajê,
ca ha hanea ne me to impej,
mãr quê me cuxà mempej pêa mã me ipa.
Ne imã Krĩpinkrên tête kwỳc tỳjti me,
cute me hamãr catêjê jũrkwa tỳjti atajê to,
cute me curê xwỳn pê, me amji pytàr pejti na me to prãm,
mãr quê ikre atajê cunea kôt me ankrê,
ne nee ame amji mã ampo cupa nare, ne mehcarĩcti ne.
Ne por krĩ ata kam, me ikwỳ me, me ikjêjê ame ipa atajê,
ca ha hanea ne me to impej, quê mempej pêa mã ame ipa.