Ayat Alkitab yang Popular daripada 1 Timot 3

Kongsi

Ỹhỹ, pom Jeju jarẽn xà ita peaj to impej. Ne taa mã ri catyt kam me papa na me pahtehcajpa. Pê cu mam nee me pahnõ hahkre pej nare, ne ita caxuw ri me pahcunea mã hahkre pej. Na cu ha ampo itajê cunea na amji mã Jeju to me hane he: Cupê Pahpãm cakrô, pê ajte me pajĩa na amji to ajpẽ. Mã Pahpãm Carõ Pejti te hõmpun, ne catyt kam ipa na harẽn. Mã côjkwa kam Pahpãm mã memprar catêjê te hõmpun. Mã pjê cunea kam harẽn xà ita picràn. Mã pjê cunea kam mehkwỳ te mempar, ne ihkôat me amji ton, ne ma me hũnãr. Mã hacpỹa mã Pahpãm te to hàpir, côjkwa wỳr. Hõhõ, pahte Jeju to amji mã me pahhimpej xà ita ampeaj kam ri.

Por Jeju na mehkwỳ to ihhimpej catêjê pupun catêjê atajê, quê ha me cupê hũmre impejti ne, quê nee jũm ampo kên nõ na me harẽn to kên nare. Ne me cumã hĩxi pyxit peaj, ne hĩxi me ajpẽn na ajkrut peaj. Ne caxwãm catia mã mehpahàmti ne, ne nee ame amji mã hamãr nare nare, ne nee amji to me cati prãm nare. Ne quêt ihcunea na me hàhcajrẽnti ne, me hũrkwa to, ne me cumã ampo pejti cunea to me cumã hahkre jahkre pej.

Ne ihtỳj cumã hũrkwa kam amji to ihhimpej jahkre pej, ne amji caxuw mehkra japackre, quê amji mã ampo cunea na, catyt kam me hũpahti to me ipa. Cwỳrjapê quê ha ihtỳj cupê Jeju na mehkwỳ to ihhimpej catê na, me jũm ata capi.

Ne Jeju na mehkwỳ tehcajpar catêjê mã quê ha mehprõ pyxit peaj, ne ahpỹanre na amji mã mehkra to me ipijapar to mempeaj ne. Quê ha cute me hàpên xà to impejti na, quê ha mehkwỳ cunea amji mã me hũpa to ipa. Cwỳrjapê quê ha ihtỳj Jeju to cute amji mã mehhimpej na, me amji jarẽn to me ipa.