Ayat Alkitab yang Popular daripada Maafiù 19

Kongsi

Wo Jisɛ̀ naŋ nyiŋ yɛmɛ̀ sɛiŋ yèè wò naŋ woò wààŋ, “Tɛɛ̀ naŋ nyìngè wèè anyuùŋ kpùuŋ, kɛɛ sèè è nɔ̀ŋ wèè wo Dayà, e keì gbiŋ gò nyìngà.”

Aŋ fè ɓɛìŋ ànyùùŋ tìyèe, kɛɛ àŋ yaà naàŋ ke kpùnàŋ guùŋ. Weètii e nɛ̀ɛŋ wo Dayà naŋ gbìɛ̀ŋ koɓɛ̀ guùŋ lɛ, wo nyuùŋkpùuŋ gbiŋ ɓɔ̀ wò goonò niŋ tɛɛ.”

Wo Jisɛ̀ naŋ fasàì wààŋ, “Kòò nìŋ kpɛ̀nɛ̀ŋ wɔ̀ŋ fɛ̀ì Dayàa wɔ̀ŋ yèɔ naŋ woò kɛ̀ ko tɔ̀ɔ̀tù e ɗuunyaàŋ wo Dayà naŋ nyiŋ wa banè wo felaa yèè wo jɔùŋ? Yèè wo Dayà naŋ woò wààŋ, ‘Wèè esaɓù lɛɛ̀ wo felaa do nàŋ jòò wo dèdauŋ nɔɔ̀ŋ yèè wo yèyeuŋ nɔɔ̀ŋ yèè yaà wo jawèuŋ nɔɔ̀ŋ, aŋ nɔ̀ŋ e kèìŋ guùŋ.’

Yèè wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Dàngeìŋ aŋ jɔ̀àkàiŋ jɔa nyàŋ aŋ hnàŋ ko nɛ̀ɛ̀ŋ miìŋ, ɓɔ̀ nìŋ kilià nyiŋ kùàŋ feìŋ, esaɓù kɛ̀ e Kànà àìjɛnɛ̀ɛŋ è yaà wèè anyùùŋ mààŋ nyɛɛ̀ŋ.”

Kɛɛ anyùùŋ nyaŋ zimgbe nyiŋ yaà naàŋ aŋ jiɛ̀jiɛ̀ nyaŋ lɛ̀, do nàŋ nɔ̀ŋ anyuùŋ dìàmaŋ nyàŋ, yèè anyuùŋ nyaŋ zimgbe nyiŋ yaà naàŋ aŋ dìàmaŋ nyàŋ lɛ, do nàŋ nɔ̀ŋ anyuùŋ jiɛ̀jiɛ̀ nyaŋ.”

Anyùùŋ nyaŋ gbiŋ naŋ jòò maŋ gboo nyiŋ màŋ ɔ̀ɔ̀ aŋ jaa ɔ̀ɔ̀ aŋ wùìya nyiŋ nyàŋ, wo dèda nyiŋ nɔɔ̀ŋ ɔ̀ɔ̀ wo yèye nyiŋ nɔɔ̀ŋ ɔ̀ɔ̀ aŋ jɔ̀à nyiŋ nyàŋ, ɔ̀ɔ̀ maŋ diì nyiŋ màŋ wèè esaɓù mɛ̀, àŋ do miŋ nàŋ yɛmɛ̀ e nìàŋ e hɔnɔ̀ɔ̀, e kìlà àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Wo Jisɛ̀ nauŋ woò wààŋ, “Wèè kiìŋ mùŋ naim dawè e nyaàiŋ dè e nɛ̀ŋ siaŋ? Wo Dayà nɔŋ nàŋ siaŋ. Sèè mùŋ mɔnɔŋ wèè maŋ kɛ̀ɛ̀nɛ̀ŋ wɔŋ nyiiŋ gèe gò jùà, sɔɔ̀ maŋ jɔ̀ɔ̀lɔ̀ maŋ sàwàuŋ màŋ dìì.”

Tɔ̀ miŋ woòiŋ ɓɛìŋ, e gò nyìngà wèè wò ɗòsòo wo kɔ̀ɛ̀ɛ̀ e mìilì jewi sùà màànààŋ è naŋ nyìngè wèè wo nyuùŋ bàne wo kà è Kànà Dayàa sùà.”

Tɔ̀ miŋ woòiŋ kɛ̀, wo felaaà yèɔ gè wo jawèuŋ nɔɔ̀ŋ ɓie wèè esàɓù e keì joo bà wɔ eɓìèmàŋjɛ̀wɛ̀ e hmɔŋtu nyɛ̀nɛŋ, wo felaa wii nyɛ̀nɛ̀ŋ hmɔŋtu sèè wò ɓemàŋ ɓɛìŋ wo jɔùŋ joo bà.”

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miŋ woòiŋ e tɔɔɓaaà, è do wa nàwèè nàŋ nyìngè wèè wo nyuùŋ bàneɔ̀ wo kà e Kànà àìjɛnɛ̀ɛŋ sùà.