Ayat Alkitab yang Popular daripada BaRoma 6

Kongsi

Nek itarang inɛn yet iku, awɛt kunang Adakunom yet kutset vit nkum ayɛt Anet-Isheshek aYeso, aTisa yit.

Nek inɛn da ti i sot atekari yin awo, nek da i ti se yin na ngamang ntsi awo, tit na ngamang itek Adakunom.

Nek anɔng, ba mi ki nɛt yit gung ni iwu na abatisma, in mi sot yit bazining ni iku wu, nek kyɔn tɛ ba kin di donong na Anet-Isheshek ni iku, ayɛt ízɔk Ada Adakunom, anɔng fi iyit da nye yit kusot ayɛt kutset kufas.

Da i bi nasap yin nkap nrɔm yin ni iras inɛn awo, ni in sot ares itomong anyas awo, tit ni nasap yin ace yin na Adakunom, tɛ bayɔng fɛ́ ba mi ka ba tirik ni iku sak ni isɛ kutset. Nasap yin nkap nrɔm yin na Adakunom, tɛ ares ntomong ntek.

Nek iyit rēn yit fok, ba kin tekak anet azen yit gung ni iwu, nɔng ba bin di fɛt nggɔn anɛn irɔm yit, nɔng da in bi ti in sot yit basam inɛn awo.

Kpaf anɔng, fa yin ace yin tɛ bayɔng fɛ́ ba mi kus na anɛn bá, awɛt ba yet batset na Adakunom nek kusot fɛ́ ba se ne ayɛt Anet-Isheshek aYeso.

Akyɛ fi in da fɛ̀ yit kong ɛ? In da ya yit kashon ni iras anɛn, nɔng Adakunom da ki tonong yit mo itek wu yɛ? Ko ni kuro! Na anɛ fi iyit fi in mi kus yit na anɛn yit, da ti in sot yit bafi ira me yɛ?

Iyin rēn yin fok ngma ayɔng fi i ku nabak yin ace yin na awop wu, ni foos yin ifɛ̀ wu tɛ basam, i mi sot yin basam, ayɔng fi i ku foos yin e awɛ? Ke ni sot yin basam sak ni inɛn, fi ibɛ́s ni iku, kɛ ni i sot yin basam ni ifoos ifɛ̀ Adakunom, fi ibɛ́s ni kusot kutabat.

Won ifeng ni i sot ifɛ́ Adakunom, nek ngma fi i tsang yet yin basam inɛn yame, awɛt yɔkɔnɔng i mi sot yin bafi ifoos ifɛ̀ Adakunom na ayɛ yin ngma kusum naton nkyɔrɔk fɛ́ ba mi ki tees yin ina. Ba mi ki bisik yin washak ni inɛn, i mi sot yin basam kusot kutabat.