Ayat Alkitab yang Popular daripada AYohana 15

Kongsi

“Imi yet kakon anap e; iyin yet yin ahwyang e. Ngma ayɔng fɛ́ a di nak ni mi, imi di ki nak ni wu, a da korok kutes makiyi. Kɛ da ni mi awo, vit ikyɛng fi i da kyem i nye yin.

Di nak yin ni mi, imi di ki nak ni yin. Vit ihwyang fi i da tes ica aziye, tit i di nak nɛ itin akon e. Nɛ anɔng, iyin da tes yin ice awo, ma i di nak yin ni mi.

Ki i di nak yin ni mi, ifɛ̀ hom di nak ni yin, rip yin ngma ikyɛng fi i shim yin, ba da ki nɔɔk yin.

Da iyin ba i di kasa yin awo, tit Imi wu in ki kasa yin, in ki te yin, ni ites yin ica-ica fi ita ice. Na Ada ki nɔɔk yin ngma ikyɛng fi i ku rip yin ni iyerek hom.

Vit anet fɛ́ a bɛ̀ ishim fi iwat iyeng: anet na mees kutset wu nek bafidang wu.

Iwu tɛm kaakyi ihwyang ni imi fi i iraye dang tes, na nye kaakyi ihwyang fi ites ica, nɔng i da ban korok kutes.

Agbat ifɛ̀ hom yo: Shim yin bafidiin, kyɔn ti imi kin ki shim yin.

Ane nesek Ada iratek, fok ni tes yin ica dot, ni tonoso iyin yet yin bafi ikuus hom.

AYeso fɛ̀ yɛ, “Imi yet kakon anap kafe atsak e, Ada hom yet anet ikap ikɔ me.

Ngma anet fɛ́ a rawu dan di nak ni mi, a se kpaf ti ihwyang fɛ́ ba barak iye, i koot; ihwyang ti idɔng, ba kok ide nɛ ba bara ni árong, ni kurong ya.

In tsin ki tak yin anɔng, nɔng iyɛ ikan hom, da se ayɛt in, nɔng iyɛ ikan yin bin shining.

Ki ifoos yin ifɛ́ hom, i di ki nak yin ayɛt ishim hom, kyɔn ti imi di foos ifɛ́ Ada hom, ni in di nak ni ishim wu.

Agbat ifɛ̀ min yo: Shim yin bafidiin.

Ki i fi iyet yin bafɛ́ azatse, kɛ kazatse me ki shim yin tɛ bafuu. Kusɛ yɔkɔnɔng, iyin yet yin bafɛ́ azatse awo, nek imi man ki kasa yin ayɛt banet azatse; nek anɔng fɛ́ kazatse me ki rayin mo.