Maktei bonyo syambayan ma iten eraske ti Yusuf kolnye,
O Hulasow O! Oi neke ebukw Abraham yor amakw Ishak rsob ti O,
ode raleru ode rbitil animkwe.
Oi ne mulaka yaw ode mutenuk mormyorhyakkwe nini kait sew ne.
Ode klatsam a klatsam o Hulasow O mala tenamkwe kola malaikat ne ma mmwa ma maditi yaw toha atyat nekre mumu.
Lemamo o Hulasow O mal eraske ti naman deru ne dakun,
ma anikkwe kmyorif; ode ebukw Abraham yor amakw Ishak de anitare kmyorif dakun khyali naman deru ne.
Ode naman deru ne rmorif ma tesnwo natut nekre rbes ti nuske ktem ne.