Ayat Alkitab yang Popular daripada PIENCILNA 27

Kongsi

Pasien in na tungah van daitui, leitang hoi le an le lenggazu a kiningcingin hing pie taheh. Mite in na na semin, na mai-ah minamte kun uheh. Na sangamte tungah a topa hi inlen, na mai-ah na nu’ tapate kun uheh. Nang ang samsie poma samsiet hi hinlen, nang thupha ang pie poma thupha nga hi taheh!” a ci hi.

Esau in, “Ama’ min Jacob a kivaw khu man ngel hi lo amah? Azieh pen ama in ni vei ei sol zo hi. Ama in ka innluoza ei lahpieh hi; tuale en in, tu-in ka thupha ei lahpieh leuleu hi,” a ci hi. Tua ciengin ama in, “Kei adingin thupha khat beh na hen ta sih amah?” a ci hi.

Tua ciengin a pa Isaac in a dawng hi: En in, na tenna mun khu leitang hoi panin a kigamla ding a, van daitui tawh zong a kigamla ding hi. Na namsau tawh na nungta ding a, nang in na sanggampa’ na na sem ding hi. Hizongle ama na ledo ciengin, na ngawng panin a hahkol na kuoitan ding hi,” a ci hi.

Esau in a pa kungah, “Ka pa aw, thupha khat beh na nei ta sih amah? Kei thupa ei pie in, kei zong, ka pa aw!” a ci hi. Tuale Esau nahpitahin kap hi.