Ayat Alkitab yang Popular daripada တံတူး 3

ဘၣ်ဆၣ်ဒီးတုၤကစၢ်ယွၤလၢအအုၣ်က့ၤခီၣ်က့ၤပှၤအတၢ်သး ကညီၤဒီးအတၢ်အဲၣ်တၢ်ကွံဘၣ်တၢ်လီၣ်ဖျါထီၣ်အီၤဒီး, အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ, လၢကစၢ်ယွၤလူလီၤဂၢ်လီၤဝဲအါအါကလဲာ်လၢပလိၤခီဖျိ ပှၤအုၣ်က့ၤခီၣ်က့ၤပှၤယ့ၣ်ၡူးခရံာ်, ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

ဒုးသ့ၣ်နီၣ်ထီၣ်က့ၤအဝဲသ့ၣ်လၢအကဆီၣ်လီၤအသးလၢ ပှၤပၢတၢ်ဒီးပဒိၣ်ပပှၢ်တဖၣ်အဖီလာ်ဒီးကစူၢ်အကလုၢ်, ဒီးကအိၣ်ကတဲာ်ကတီၤအသးလၢကမၤဂ့ၤတၢ်လၢကျဲကိးဘိဒဲး အဂီၢ်န့ၣ်တက့ၢ်. စံးဘၣ်အဝဲသ့ၣ်လၢအသုတကတိၤအၢကတိၤသီပှၤနီတဂၤ တဂ့ၤ, မ့မ့ၢ်တခီကအိၣ်ဃူအိၣ်ဖိးဒီးရ့တံၤရ့သကိး, ဒီးထီဘိဒၣ်တၢ်ကဒုးနဲၣ်တၢ်ပာ်သးခုၣ်ခုၣ်မုာ်မုာ်လၢပှၤကိး ဂၤဒဲးအဖီခိၣ်န့ၣ်တက့ၢ်.

ဘၣ်ဆၣ်ဒီးပဒ့ၣ်ဟးဆှဲးတၢ်ဂ့ၢ်လိာ်ဘှီလိာ်ကလီကလီ, တၢ်ယၢၤထီၣ်ဖးထီတၢ်ဟဲလီၤစၢၤတဖၣ်, တၢ်အ့ၣ်လိာ် ဆိးက့လိာ်သးဒီးတၢ်ထီဒုၣ်ထီဒါလိာ်သးလၢတၢ်သိၣ် တၢ်သီအဃိတဖၣ်န့ၣ်တက့ၢ်. တၢ်သ့ၣ်တဖၣ်အံၤအဘျုးဒီးအလုၢ်အပှ့ၤတအိၣ်ဘၣ်.

ပှၤတဂၤလၢအဒုးအိၣ်ထီၣ်တၢ်လီၤဖးတဖၣ်န့ၣ်, ဟ့ၣ်ပလီၢ်အီၤတဘျီခံဘျီဝံၤအလီၢ်ခံတဘၣ်ကနၣ်ဃုာ်လၢၤ အီၤတဂ့ၤ.