Ayat Alkitab yang Popular daripada ရိမ့ၤ 4

အတၢ်နာ်တကဒံကဒါဘၣ်, ဒီးအသးတဒ့ဒီလၢကစၢ် ယွၤအတၢ်အၢၣ်လီၤအီလီၤအဖီခိၣ်ဘၣ်. အတၢ်နာ်မၤပှဲၤအီၤဒီးတၢ်ဂံၢ်တၢ်ဘါဒီးအဝဲစံးထီၣ်ပတြၢၤ ကစၢ်ယွၤလီၤ. အဝဲနာ်ဝဲလၢလၢပှဲၤပှဲၤလၢကစၢ်ယွၤမၤလၢထီၣ်ပှဲၤထီၣ် အတၢ်အၢၣ်လီၤအီလီၤသ့ဝဲဒၣ်န့ၣ်လီၤ.

တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ လၢစီၤအၤဘြၤဟၣ်နာ်, ကစၢ်ယွၤတဂၤလၢ အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ် တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ဖဲတၢ်မုၢ်လၢ်တအိၣ်ဘၣ်န့ၣ်, စီၤအၤဘြၤဟၣ်နာ်တၢ်ဒီးမုၢ်လၢ်တၢ်သတးဒီးကဲထီၣ် “ပှၤအါကလုာ်အပၢ်,” ဒ်တၢ်ကွဲးအသးစံးဝဲအသိး, “နစၢၤနသွဲၣ်တဖၣ်ကအါဝဲဂီၢ်ဝဲဒ်ဆၣ်ဧိၤဖီဧိၤအသိး န့ၣ်လီၤ.”

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

စီၤဒၤဝံးစံးဝဲ, “ပှၤလၢယွၤပျၢ်ကွံာ်အတၢ်ကမၣ်ဒီး တြူာ်ကွံာ်အတၢ်ဒဲးဘးတဖၣ်န့ၣ်, ဘၣ်ဆိၣ်ဂ့ၤဝဲလီၤ. ပှၤတဂၤလၢယွၤတကွဲးနီၣ်ကွဲးဃါ အတၢ်ဒဲးဘးတဖၣ်န့ၣ်, ဘၣ်ဆိၣ်ဂ့ၤဝဲလီၤ.”

တၢ်ကွဲးအသးစံးဝဲဒၣ်, “စီၤအၤဘြၤဟၣ်နာ်ကစၢ်ယွၤဒီးမ့ၢ်လၢတၢ်နာ်အံၤအဃိ, ကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤအသိးန့ၣ်လီၤ.”